لاہور: پولیس نے بینکوں کے اے ٹی ایم توڑ کر رقم لوٹنے والےتین ملزمان کو گرفتار کرلیا، ملزمان میں نجی بینک کا سیکیورٹی گارڈ بھی شامل ہے۔
تفصیلات کے مطابق لاہور کی جنوبی چھاؤنی پولیس نے بنا اکاؤنٹ اے ٹی ایم سے پیسے لوٹنے والے تین ملزمان کو پکڑلیا۔ پولیس ملزمان کی وارداتوں کی فوٹیج بھی منظرعام پر لے آئی ہے.
ویڈیو میں دکھایا گیا ہے کہ ملزمان نے کیولری گراؤنڈ کے علاقہ میں نجی بنک کی اے ٹی ایم مشین کاٹنے کی کوشش کی، ملزمان پہلے کیبن میں داخل ہوکر جائزہ لیتے رہے اوربنک کا الارم خراب کرد یا۔
ملزمان واردات سے پہلےچہروں کو چھپاتے پھر واردات کرتے تھے، ایک ملزم کیش کے حصول کیلئے کوشاں رہا، دوسرا کیمرےکی آنکھ بند کرنےکیلئے مصروف تھا۔
پولیس نے سی سی ٹی فوٹیج کی مدد سے ملزمان کو گرفتار کیا، ملزمان کے قبضہ سے گیس کٹر، سلنڈر ، نقدی اور دیگر سامان برآمد ہوا ہے۔
مزید پڑھیں: گجرات: اے ٹی ایم سے 80 سیکنڈ میں 27 لاکھ روپے لٹ گئے
پولیس کے مطابق ملزمان اب تک آٹھ بنکوں کی مشینیں توڑنے کی کوشش کر چکے ہیں، ملزم بابر نے چند ماہ قبل اپنے دوست اسد اور مزمل کے ساتھ ملکر واردات کی منصوبندی کی تھی، پولیس کے مطابق ملزمان میں پاک پتن کارہائشی بابر اورنجی بینک کاسیکیورٹی گارڈ بھی شامل ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
0
20
