اسلام آباد: کرونا ٹاسک فورس کے سربراہ ڈاکٹر عطا الرحمان کا کہنا ہے کہ کرونا ویکسین کی 12 لاکھ خوراک کا آرڈر دے دیا گیا ہے۔
تفصیلات کے مطابق ڈاکٹر عطا الرحمان نے اے آر وائی نیوز سے گفتگو کرتے ہوئے کہا کہ کرونا ویکسین کی 12 لاکھ خوراک کا آرڈر دے دیا ہے، جیسے جیسے ڈریپ منظوری دےگا ویکسین کی اجازت دی جائے گی۔
ڈاکٹر عطاالرحمان کا کہنا تھا کرونا ویکسین کی ڈیمانڈ بہت زیادہ ہے اس لیے وقت لگ رہا ہے، مارچ سے لے کر دسمبر تک کرونا ویکسین کی زیادہ تر مقدار آ جائے گی۔
انھوں نے کہا وقت کے ساتھ نجی شعبے کے لیے بھی کرونا ویکسین کی منظوری دے دی جائے گی۔
ابتک جو ویکسین بنائی گئی وہ کرونا کی پرانی قسم کیخلاف ہے، ڈاکٹر عطا الرحمان
یاد رہے کہ گزشتہ ہفتے کرونا ٹاسک فورس کے سربراہ نے اے آر وائی نیوز سے گفتگو میں کہا تھا کہ اب تک جو بھی ویکسین بنائی گئی ہے وہ کرونا وائرس کی پرانی قسم کے خلاف ہے، ویکسین کا نئی کرونا قسم پر کیا اثر ہوتا ہے، ابھی کچھ نہیں کہا جا سکتا۔
