The news is by your side.

Advertisement

افغانستان: صوبہ غزنی میں پولیس چیک پوسٹ پر طالبان کا حملہ، نو اہل کار ہلاک، چھ زخمی

مقامی پولیس سربراہ بھی حملے میں ہلاک،طالبان نے چیک پوائنٹ پر دو جانب سے حملہ کیا: افغان حکام

غزنی: مشرقی افغانستان کے شہر غزنی میں واقع ایک پولیس چیک پوائنٹ پر طالبان جنگجوؤں کی فائرنگ کے نتیجے میں نو پولیس اہلکار ہلاک ہوگئے، ہلاک شدگان میں مقامی پولیس کے سربراہ بھی شامل ہیں.

حملے میں مزید چھ پولیس اہل کار زخمی بھی ہوئے، ادھرطالبان نے حملے کی ذمہ داری قبول کرتے ہوئے دعویٰ کیا ہے کہ اس حملے میں طالبان نے 12 پولیس اہل کاروں کو ہلاک کیا۔

واضح رہے کہ رواں برس جنوری میں افغان صدر اشرف غنی نے کہا تھا کہ ستمبر 2014 سے اب تک تقریباً پینتالیس ہزار افغان سکیورٹی اہل کار ہلاک ہو چکے ہیں.

مزید پڑھیں: وزیراعظم عمران خان کے افغانستان سےمتعلق بیان کوسیاق وسباق سے ہٹ کرپیش کیاگیا، دفترخارجہ

مزید پڑھیں: افغان امن مذاکرات میں خواتین کی نمائندگی ناگزیر ہے: انجلینا جولی

یاد رہے کہ 24 مارچ 2019 کو افغانستان کے صوبے قندوز میں امریکی فضائی حملوں کے نتیجے میں خواتین، بچوں سمیت 14 افراد جاں بحق ہوگئے، جاں بحق ہونے والوں میں 4 افغان اہلکار بھی شامل ہیں۔

امریکی فضائی حملے میں گھر کو نشانہ بنایا گیا جس کے نتیجے میں خواتین، بچوں سمیت 14 افراد جاں بحق ہوگئے، امریکی فوج کے ترجمان نے فضائی حملے کی تصدیق کرتے ہوئے کہا ہے کہ حملہ طالبان کے ٹھکانوں پر کیا گیا ہے۔

Comments

comments

یہ بھی پڑھیں