کراچی : کورنگی انڈسٹریل ایریا میں غیرملکی فوڈ چین شاپ مشتعل ہجوم کا دھاوا بولنے کی کوشش کی تاہم پولیس نے دس افراد کو حراست میں لے لیا۔
تفصیلات کے مطابق کراچی کے علاقے کورنگی انڈسٹریل ایریا میں غیر ملکی فوڈ چین شاپ پر مشتعل ہجوم نے دھاوا بول دیا۔
پولیس نے مظاہرین کو منتشر کرنے کیلئے لاٹھی چارج کیا، ایس ایس پی کورنگی طارق نواز نے بتایا دس افراد کو حراست میں لے لیا ہے۔
پولیس کی نفری نے موقع پر پہنچ کرصورتحال کو کنٹرول کیا تاہم غیرملکی فوڈچین شاپ کو کوئی نقصان نہیں پہنچا۔
ریسٹورنٹ پر تعینات پولیس موبائل افسرنے سمجھداری کا مظاہرہ کیا اور ایس آئی نے دھاوا بولنے کیلئے آنے والوں کو مذاکرات میں لگائے رکھا، اس دوران اضافی نفری نے آکر ہنگامہ آرائی کرنے والوں کوحراست میں لے لیا۔
مزید پڑھیں : کراچی سمیت 3 شہروں میں غیر ملکی فوڈ چین کی شاپس پر حملے
گذشتہ روز کراچی گڈاپ میں غیر ملکی فوڈ چین شاپ پر مشتعل افراد نے دھاوا بولا تھا تاہم پولیس کی بھاری نفری نے مشتعل افراد پر لاٹھی چارج کر کے مظاہرین کو منتشر کر دیا۔
پولیس کا کہنا تھا کہ شام6 بجے متعدد افراد فوڈ شاپ پراحتجاج کے لئے آئے، پولیس اسٹیشن ساتھ ہی ہونے کے باعث اہلکار بروقت پہنچے اور بروقت کارروائی کر کے 9 افراد کو حراست میں لیا گیا۔
اس سے پہلےکراچی میں ڈیفنس خیابان اتحاداور بہادرآباد میں بھی غیرملکی فوڈ چین پر مشتعل افراد نے حملہ کرکے توڑپھوڑ کی تھی۔
