بنوں میں شرپسندوں نے رات گئے تھانہ احمد زئی اور برگنتو چوکی پر اچانک حملہ کیا، پولیس کی بھرپور جوابی کارروائی پر دہشت گرد فرار ہوگئے۔
اے آر وائی نیوز کے مطابق پولیس کا کہنا ہے کہ بھرپور جوابی کارروائی کرکے دہشتگردوں کا حملہ پسپا کردیا گیا، حملوں میں کسی قسم کا جانی نقصان نہیں ہوا۔
اس سے قبل بھی تھانہ میریان پر شرپسندوں نے رات گئے اچانک حملہ کردیا تھا، پولیس نے بھرپور جوابی کارروائی کرکے دہشت گردوں کو فرار ہونے پر مجبور کردیا تھا۔
- Advertisement -
کراچی میں 2 ماہ کیلئے سمندر میں نہانے پر پابندی عائد
پولیس ذرائع کے مطابق حملہ آوروں نے تھانے میں نصب تھرمل کیمرے کونشانہ بنایا، اس دوران چھوٹے، بڑے ہتھیاروں سے فائرنگ کی گئی، اہلکاروں کی جوابی فائرنگ سے حملہ آور فرار ہوگئے۔
