سری نگر: مقبوضہ کشمیر کے علاقے سری نگر میں واقع خان یار پولیس اسٹیشن پر دستی بم حملوں کے نتیجے میں 1 شہری جاں بحق اور 6 پولیس اہلکار زخمی ہوئے۔
تفصیلات کے مطابق مقبوضہ کشمیر کے علاقے سری نگر میں واقع خان یار پولیس اسٹیشن پر دستی بم کا حملہ ہوا، جس کے نتیجے میں 1 کشمیری شہری جاں بحق اور 6 پولیس اہلکار زخمی ہوئے۔
بھارتی میڈیا نے اس حملے کی ذمہ داری کشمیرکی آزادی کے لیے جدوجہد کرنے والے افراد پر عائد کردی جبکہ قابض بھارتی فوج نے اس حملے کو مظاہروں کا ردعمل قرار دیا۔
پڑھیں: ’’ کشمیری طالبات کی بھارتی مظالم کیخلاف احتجاج کی تصاویر سوشل میڈیا پر وائرل ‘‘
یاد رہے کشمیر میں گزشتہ برس حریت رہنماء برہان مظفر وانی کی شہادت کے بعد سے حالات ناساز ہیں، کشمیری کمانڈر کے ماورائے عدالت قتل کے خلاف سڑکوں پر نکلنے والے نہتے کشمیریوں پر بھارتی فوج نے پیلٹ گنز کا استعمال کیا جس کے نتیجے میں کئی کشمیریوں کی بینائی متاثر ہوئی۔
