site
stats
سندھ

اے آر وائی کے چینل پر حملے میں ملوث ملزمان گرفتار،ڈی جی رینجرز

کراچی : ڈی جی رینجرز کا کہنا ہے کہ اے آر وائی نیوز چینل پر حملے میں ملوث ایم کیو ایم کے چھ کارکنان کو گرفتار کر کے پولیس کے حوالے کردیا ہے۔

یہ بات ڈی جی رینجرز نے کراچی میں میڈیا سے گفتگو کرتے ہوئے بتائی اُن کا کہنا تھا کہ قائد ایم کیو ایم نے اپنی تقریر کے بعد لوگوں کو نیوز چینل پر حملے پر اکسایا جس کے بع د پہلے سے بلائے کارکنوں نے باقاعدہ منصوبہ بندی سے چینلز پر حملہ کیا جس کے الزام میں 6 ملزمان کو گرفتار کر لیا ہے۔

گرفتار ہونے والوں میں دو بینک آفیسر بھی ہیں جن کا تعلق ایم کیو ایم کے لیبر ڈویژن سے بتایا جا تا ہے دونوں افسران نے حملے میں ملوث ملزمان کو سہولت فراہم کی اور اپنے دفتر میں چھپائے رکھا تھا جس کے بعد انہیں فرار کرنے میں مدد بھی دی۔

یہ بھی پڑھیں : کراچی: ایم کیو ایم کارکنان کا اے آر وائی نیوز کے دفتر پر حملہ

دوران تفتیش گرفتار ملزم اور ایم کیو ایم لیبر ڈیویژن کے کارکن جاوید شوکت نے اہم انکشافات کرتے ہوئے بتایا کہ اے آر وائی پر حملہ باقاعدہ منصوبہ بندی سے کیا گیا جس کے لیے کارکنان کی ایک بڑی تعداد پہلے ہی سے بھوک ہڑتالی کیمپ میں موجود تھی۔


Dg Rangers Gen Bilal Akbar Media Talk Over MQM… by arynews

حملہ ایم کیو ایم کے یونٹ اور سیکٹر کے کارکنان نے کیا جنہیں قائد ایم کیو ایم نے اپنے خطاب کے دوران باضابطہ حکم دیا کہ چینل پر حملہ کیا جائے نیز گرفتار کارکن نے حملے میں ملوث دیگر کارکنوں کے نام اور اسلحہ و ڈنڈے فراہم کرنے والے سہولت کاروں کے نام بھی اگل دیے جنہیں جلد گرفتار کرلیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top