اسلام آباد : اسلام آباد انٹرنیشنل ایئرپورٹ پر کروڑوں روپے مالیت کے آئی فون سمیت دیگر اشیاء کی اسمگلنگ کی کوشش ناکام بنا دی گئی۔

تفصیلات کے مطابق اسلام آباد انٹرنیشنل ایئرپورٹ پر کسٹمز نے کارروائی کرتے ہوئے قیمتی موبائل فون اسمگل کرنےکی کوشش ناکام بنادی۔

کسٹمز حکام نے بتایا کہ ملزمان سے 106 قیمتی فون، میک بک،لیپ ٹاپ اوردیگرسامان برآمد کرلیا ہے، تینوں مسافر پی کے 262 سے اسلام آبادایئرپورٹ پہنچے تھے۔

حکام کا کہنا ہے کہ سامان ضبط کرکے مسافروں سے تحقیقات شروع کردی ہے۔

یاد رہے دو روز قبل اسلام آباد انٹرنیشنل ایئرپورٹ پر کسٹمز نے کارروائی کے دوران قیمتی موبائل فون اسمگل کرنے کی کوشش ناکام بنادی تھی۔

کسٹم حکام نے بتایا تھا کہ مسافر پرواز کیو آر 614 کے ذریعے اسلام آباد پہنچا ، کسٹم عملے نے مسافر عمر ضمیر کو بین الاقوامی آمد ہال کے قریب سے پکڑلیا۔

حکام کا کہنا تھا کہ پکڑے جانے والے مسافر ضمیر کا تعلق چکوال سے ہے وہ دبئی سے آیا ہے، قطر سے آنے والے مسافرسے 73 موبائل فون برآمد کئے۔