لاڑکانہ : بجلی کی ہائی ٹرانس میشن لائن کے پولز دھماکے سے اڑانے والے 6 دہشت گردوں کو گرفتار کرلیا گیا۔
تفصیلات کے مطابق لاڑکانہ میں بجلی کی ہائی ٹرانس میشن لائن کے پولز دھماکے سے اڑانے کے معاملے پر پولیس نے نصیر آباد روڈ پر کارروائی کرتے ہوئے 6 دہشت گردوں کو گرفتار کرلیا۔
پولیس نے بتایا کہ گرفتار دہشت گردوں سے 2 ہینڈگرینیڈاور4پستول برآمد کرلئے ہیں اور گرفتار ملزمان کاتعلق کالعدم تنظیم سے ہے۔
حکام کے مطابق گرفتار ملزمان نے 15اپریل کوبجلی پول اڑانےکااعتراف کرلیا ہے اور اپنا تعلق کالعدم ایس آراے کےاصغرشاہ گروپ سےبتا رہے ہیں۔
پولیس کا کہنا ہے کہ گرفتارملزمان کامجرمانہ رکارڈ چیک کرنےسمیت مزید تفتیش جاری ہے۔
