سکھر : رینجرز اورپولیس نے پشاور سے ہتھیاروں کی کھیپ اسمگل کرنے کی کوشش ناکام بناتے ہوئے دو ملزمان کو گرفتار کرلیا۔

تفصیلات کے مطابق کراچی میں رینجرز اورپولیس کی خفیہ اطلاع پرسکھربائی پاس کےقریب کارروائی کی اور ہتھیاروں کی بڑی کھیپ اسمگل کرنےکی کوشش ناکام بنادی۔

ترجمان رینجرز نے بتایا کہ ہتھیار پشاورسےسکھر،مورو،حیدرآباداورکراچی سپلائی کیےجارہے تھے ، کارروائی کے دوران 2 ملزمان مختیاراور خان پرویز کو گرفتار کرلیا ہے۔

ملزمان سےاسلحہ و ایمونیشن کی بڑی کھیپ برآمد ہوئی ، ہتھیاروں میں 4ٹرپل ٹو رائفل، ایک 8 ایم ایم رائفل ، ایک عددکلاشنکوف، 19 نائن ایم ایم 5 تیس بورپستول ، ایک ہزارگولیاں اورمختلف ہتھیاروں کے28میگزین شامل ہیں۔

رینجرز کا کہنا تھا کہ اسلحہ کوچ کے خفیہ خانوں میں بڑی مہارت سے چھپایا گیا تھا، ملزمان کےدیگرساتھیوں کی گرفتاری کیلئے چھاپے جاری ہے تاہم گرفتار ملزمان کو مزید قانونی کاروائی کے لیے پولیس کے حوالے کردیا گیا ہے۔