کراچی : اسپیشل انویسٹی گیشن یونٹ (ایس آئی یو) نے دبئی اور سری لنکا ہیروئن اسمگل کرنےکی کوشش ناکام بنادی، ہیروئن دبئی میں ابوخالداورسری لنکا میں مچن نامی اشخاص کوفروخت کی جاتی تھی۔
تفصیلات کے مطابق اسپیشل انویسٹی گیشن یونٹ (ایس آئی یو) نے دبئی اور سری لنکا ہیروئن اسمگل کرنےکی کوشش ناکام بناتے ہوئے کارروائی کے دوران 2 بین الاقوامی ہیروئن اسمگلرز گرفتار کرلیا۔
ایس ایس پی ایس آئی یو جنید احمد شیخ نے بتایا کہ لیپ ٹاپ بیگزاورکیپسولز میں ہیروئن اسمگل کی جارہی تھی، گرفتار ملزمان میں وقارحسین اور محمد فیصل شامل ہیں۔
ملزمان کوایس ایم لا کالج کے قریب سے گرفتارکیاگیا اور ملزمان سے ایک کلو سے زائد ہیروئن برآمد کرلی گئی ، اسمگلرز 10لاکھ کی ہیروئن خریدکر25لاکھ سےزیادہ میں بیچتےہیں۔
ہیروئن دبئی میں ابوخالداورسری لنکا میں مچن نامی اشخاص کوفروخت کی جاتی تھی جبکہ ملزمان نے انکشاف کیا کہ منشیات لیاری کےرہائشی یاسرنامی شخص سےخریدتےتھے۔
