لاڑکانہ کی سینٹرل جیل کی انتظامیہ نے جیل میں منشیات سپلائی کی کوشش ناکام بناکر ملزمان کے خلاف مقدمہ درج کرلیا۔
تفصیلات کے مطابق لاڑکانہ کی سینٹرل جیل میں منشیات اسمگلنگ کی ماضی میں بھی کوششیں کی جاچکی ہے جسے جیل انتظامیہ نے انتہائی کامیابی سے ناکام بنایا اور ملزمان کو کیفرکردار تک پہنچایا ہے۔
ایک مرتبہ پھر منشیات کی ترسیل ناکام بنائی گئی ہے، جیل انتظامیہ کا کہنا ہے کہ منشیات سینٹرل جیل کے قیدی وقار کی شیمپو کی بوتل سے برآمد ہوئی جب کہ قیدی قربان اور علی کلہوڑو کے سامان سے بھی منشیات برآمد ہوئی۔
سپرنٹنڈنٹ جیل اشفاق احمد کلوڑ نے کہا ہے کہ منشیات قیدی علی کلہوڑو نے منگوائی تھی۔
جیل سپرنٹنڈنٹ نے بتایا کہ منشیات لانے والوں کے خلاف پولیس نے مقدمہ درج کرلیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں