The news is by your side.

Advertisement

ہینڈ بیگ کھینچنے کی کوشش، ملزمان خاتون کو گرا کر فرار

کراچی: شہر قائد کے علاقے ڈیفنس میں موٹر سائیکل سوار ملزمان نے راہ چلتی خاتون گرادیا اور فرار ہوگئے۔

اے آر وائی نیوز کے مطابق کراچی کے علاقے ڈیفنس میں موٹر سائیکل ملزمان نے راہ چلتی خاتون سے پرس چھیننے کی کوشش میں اسے گرایا اور فرار ہوگئے۔

ویڈیو میں دیکھا جاسکتا ہے کہ خاتون سڑک پر چل رہی ہے اس دوران موٹر سائیکل سوار ملزمان تیزی سے آتے ہیں پرس چھیننے کی کوشش کرتے ہیں اس دوران وہ پرس تو نہیں چھین پاتے لیکن ناکامی پر انہیں گرا کر رفو چکر ہوجاتے ہیں۔

ذرائع کا کہنا ہے کہ جائے واردات کے قریب ہی موجود اسلحہ بردار سیکیورٹی گارڈ سارا ماجرا کھڑے دیکھتا رہا اور ملزمان کو روکنے کی کوشش تک نہ کی۔

واضح رہے کہ کراچی میں اسٹریٹ کرائم کی وارداتوں میں روز بروز اضافہ ہوتا جارہا ہے لیکن پولیس ملزمان کو گرفتار کرنے میں ناکام نظر آتی ہے۔

چند روز قبل بھی کراچی کے علاقے ابو الحسن اصفہانی روڈ مبینہ ٹاؤن تھانے کی حدود میں تین منزلہ عمارت میں ڈاکو دن دیہاڑے گھسے اور پہلی منزل سے 60 ہزار، دوسری منزل سے 70 ہزار اور تیسری منزل سے ڈھائی لاکھ مالیت کا سونا باآسانی لوٹ کر فرار ہوگئے تھے۔

پولیس نے واقعے کا مقدمہ درج کرکے ملزمان کی تلاش شروع کردی تھی تاحال کوئی گرفتاری عمل میں نہیں آسکی ہے۔

Comments

یہ بھی پڑھیں