وزیراعظم عمران خان نے کہا ہے کہ ملک کو عدم استحکام سے دوچار کرنے کے عزائم ناکام ہوں گے، ریاست انتشار پھیلانے والوں کو کبھی کامیاب نہیں ہونگے دیگی۔
وزیراعظم کی زیرصدارت نیشنل ایکشن پلان کا اجلاس ہوا جس میں سول وملٹری قیادت نے شرکت کی۔
اجلاس ختم ہونے کے بعد جاری اعلامیے کے مطابق اجلاس میں شریک سول وملٹری قیادت نے پشاور واقعے کی شدید مذمت کی اور دہشت گردی کےمقدمات کوحتمی شکل دینےکی ضرورت پربھی زوردیاگیا۔
اجلاس کے شرکا نے جدید فرانزک لیبارٹریز قائم کرکے تحقیقات کیلیے وسائل مختص کرنے پر زور دیا جبکہ اپیکس کمیٹی نے نیکٹا کے کردار کو مضبوط بنانےکی ضرورت پرزوردیا۔
اس موقع پر شرکا اجلاس کو بریفنگ دیتے ہوئے بتایا گیا کہ اکثریتی ایکشن پوائنٹس پرتسلی بخش عملدرآمدہواہے جبکہ بین الصوبائی مسائل کیلیے صوبائی حکومتوں سے تعاون درکار ہے۔
اجلاس سے خطاب کرتے ہوئے وزیراعظم عمران خان نے کہا کہ دہشت گردی اورنفرت انگیزتقاریرکیخلاف زیروٹالرنس ہے، ملک کو عدم استحکام سے دوچار کرنے کے عزائم ناکام ہونگے، ریاست انتشارپھیلانےوالوں کو کبھی کامیاب نہیں ہونےدےگی۔
وزیراعظم کا کہنا تھا کہ پوری قوم دہشتگردی کیخلاف جنگ میں ساتھ ہے، عوام کو احساس ہے کہ فرقہ واریت اور انتشار پھیلانے کی کوشش کی جارہی ہے، نیشنل ایکشن پلان پر اس کی روح کے مطابق عملدرآمد کیاجئیگا۔
ان کا کہنا تھا کہ دہشتگردوں کو جلد سزائیں مثالی اقدام ثابت ہوسکتا ہے۔
