برلن: کار بنانے والے مشہور جرمن کمپنی آڈی نے پیٹرول اور ڈیزل گاڑیوں کی فروخت بند کرنے کا اعلان کر دیا ہے۔
تفصیلات کے مطابق پُرتعیش کاریں بنانے والی جرمن کمپنی آڈی نے 2026 کے بعد یورپ میں پیٹرول اور ڈیزل سے چلنے والی گاڑیوں کی فروخت بند کرنے کا اعلان کر دیا ہے۔
ایک بیان میں کمپنی کی جانب سے کہا گیا ہے کہ آڈی آخری مرتبہ 2026 میں یورپی مارکیٹ میں نئی پیٹرول اور ڈیزل گاڑیاں فروخت کے لیے پیش کرے گی، اور اس کے بعد کمپنی یورپ میں صرف الیکٹرک گاڑیاں ہی فروخت کرے گی۔
کمپنی کا کہنا ہے کہ آڈی چین میں پیٹرول اور ڈیزل گاڑیوں کی فروخت جاری رکھے گی۔
بگاٹی نے دوسری مہنگی ترین کار متعارف کرا دی
آڈی نے اپنے نئے منصوبے پر کام شروع کر دیا ہے اور2025 کے لیے الیکٹرک گاڑیوں کی تیاری بھی شروع کر دی ہے، آڈی کی الیکٹرک گاڑی ای ٹورن جی ٹی کی مانگ میں بھی اضافہ ہوا ہے، جب کہ اس کی قیمت بھی 79 ہزار 900 یورو ہے۔
رپورٹ کے مطابق جرمن کار ساز کمپنی اپنی اگلی الیکٹرک گاڑی 2023 میں متعارف کرائے گی، یاد رہے کہ اس سے قبل فیاٹ، فورڈ، جیگوار لینڈ روو، وولوو، بینٹلی اور لیمبوروگینی نے بھی الیکٹرک کاریں بنانے کا اعلان کر رکھا ہے۔
