The news is by your side.

Advertisement

بھارتی میڈیا کی جعلسازی، ایس پی میر پور کے نام سے جعلی آڈیو ٹیپ چلا دی

سری نگر: سرجیکل اسٹرائیک کا پول کھلا تو بھارتی صحافت بھی جعلسازی پراترآئی، جنگی جنون میں مبتلا بھارتی میڈیا کی بھی جعلسازی کا پول کھل گیا،بھارتی میڈیا نے ایس پی غلام اکبر کے نام سے آلٹریشن کرکے جعلی آڈیوٹیپ چلا دی۔

ایس پی میر پور کے نام سے جعلی آڈیوٹیپ چلا کر سرجیکل اسٹرائیک کا ڈھنڈورا پیٹنے والے بھارتی میڈیا کا پول بھی کھل گیا، سی این این 18 کے بھارتی صحافی نے جعلی پولیس افسر بن کر آواز ریکارڈ کی اور آن ایئر کردی۔

بھارتی چینل کی آڈیو میں شامل شور شرابے نے کال کا جعلی ہونا ثابت کردیا جس میں بھارتی صحافی نے جعلی پولیس افسر بن کرغلام اکبر سے بات کرنے کا دعویٰ کیا تھا۔

ایس پی غلام اکبر اور آئی جی آزاد کشمیر نے بھارتی چینل کے دعوے کی سختی سے تردید کردی، ایس پی غلام اکبر نے کہا ہے کہ بھارتی چینل پر چلنے والی آواز میری نہیں ہے، دو پولیس افسران کی بات چیت سڑک پر فون پر نہیں ہوتی ہے۔

دوسری جانب آئی جی آزاد کشمیر کا کہنا تھا کہ پولیس پاک فوج کے شانہ بشانہ کھڑی ہے، علاقے میں پولیس اور فوج الرٹ ہے۔

Comments

comments

یہ بھی پڑھیں