آڈیو کال کرنی ہو یا ویڈیو اس کے لیے فون نمبر ضروری ہوتا ہے لیکن اب اس کی بھی ضرورت نہیں رہی کیونکہ نئی انقلابی ایپ لانچ ہو گئی ہے۔
سوشل میڈیا میں انقلاب برپا کرنے والا یہ نیا سوشل میڈیا پلیٹ فارم بزنس ٹائیکون ٹیسلا اور معروف ویب سائٹ ایکس کے مالک ایلون مسک نے لانج کیا ہے۔
دنیا کی معروف سوشل میڈیا ویب سائٹ میں سے ایک ’’ایکس‘‘ سابقہ ٹوئٹر کے مالک ایلون مسک نے دنیا میں رابطوں کی مقبول ترین ایپلیکیشن واٹس ایپ کے مقابلے میں نیا سوشل میڈیا پلیٹ فارم لانچ کر دیا ہے اور اس کا اعلان ایکس کے ذریعہ کیا ہے۔
ایلون مسک نے ایکس پر لکھا ہے کہ نئی ایکس چیٹ ایپلیکیشن آ رہی ہے جو انکرپشن میسجز اور کسی بھی قسم کی فائلز بھیجنے کے ساتھ ساتھ آڈیو یا ویڈیو کال کرنے کی بھی صلاحیت رکھتی ہے۔
اس ایپلیکیشن کو بٹ کوائن اسٹائل انکرپشن کے ساتھ رسٹ پر بنایا گیا ہے اور اس کے ذریعے صارفین اب بغیر کسی فون نمبر کے کسی بھی دوسرے پلیٹ فارم پر آڈیو اور ویڈیو کال کر سکیں گے۔
