کراچی: سندھ حکومت نے سندھ وقف پراپرٹی ایکٹ 2020 کے تحت نئے قوانین بنا دیے، وقف مینیجر کو کنٹرول میں دی گئی جائیداد کی مفصل معلومات جمع کروانی ہوں گی۔
تفصیلات کے مطابق سندھ حکومت نے سندھ وقف پراپرٹی ایکٹ 2020 کے تحت نئے قوانین بنا دیے، محکمہ اوقاف، مذہبی امور اور محکمہ زکوٰة اور عشر نے نوٹیفکیشن جاری کردیا۔
نوٹیفکیشن کے مطابق وقف مینیجر کو کنٹرول میں دی گئی جائیداد کی مفصل معلومات جمع کروانی ہوگی، وقف مینیجر گاہے بہ گاہے معلومات چیف ایڈمنسٹریٹر کو بھجوانے کا پابند ہوگا۔
- Advertisement -
نوٹیفکیشن میں کہا گیا کہ چیف ایڈمنسٹریٹر اوقاف نظام میں موجود پراپرٹیز کا پورٹل بھی قائم کرے گا، پورٹل قائم کر کے تمام جائیدادوں کا ریکارڈ آن لائن رجسٹر کیا جائے گا۔
مینیجر ہر سال 15 جولائی تک یہ ریکارڈ ڈی سی چیف ایڈمنسٹریٹر اوقاف کو بھجوانے کا پابند ہوگا۔
