آسٹریلیا کی کلیر پولوساک کراچی میں پاکستان اور ویسٹ انڈین ویمنز ٹیموں کے درمیان سیریز میں امپائرنگ کے فرائض انجام دیں گی۔
تفصیلات کے مطابق آسٹریلیا کی کلیئر پولوساک کراچی میں ویمن سیریز میں امپائرنگ کریں گی، آسٹریلوی خاتون امپائر پہلی بار پاکستان میں فرائض انجام دیں گی۔
ویسٹ انڈیز کی خواتین کرکٹ ٹیم تین ون ڈے کھیلنے 14 اپریل کو کراچی پہنچے گی یہ ون ڈے سیریز آئی سی سی ویمنز چیمپئن شپ کا حصہ ہے، اس کے علاوہ 5 ٹی ٹوئنٹی بھی دورے میں شامل ہیں، یہ تمام 8 میچز نیشنل بینک اسٹیڈیم میں کھیلے جائیں گے۔
کلیر پولوساک کے ساتھ عبدالمقیت، عمران جاوید اور ناصر حسین جو پی سی بی ایلیٹ پینل آف امپائرز کا حصہ ہیں جو اس سیریز کے دوران آن فیلڈ امپائرز کے طور پر کام کریں گے۔
پی سی بی ویمنز پینل آف امپائرز میں شامل سلیمہ امتیاز اور حمیرا فرح ون ڈے سیریز کے لیے ریزرو امپائرز ہوں گی۔