The news is by your side.

Advertisement

آسٹریلیا نے انگلینڈ کو پہلے ون ڈے میں 19 رنز سے شکست دے دی

مانچسٹر: آسٹریلیا نے عالمی چیمپیئن انگلینڈ کو تین ایک روزہ میچوں کی سیریز کے پہلے ون ڈے میچ میں 19 رنز سے ہرا دیا۔

تفصیلات کے مطابق مانچسٹر میں کھیلے گئے میچ میں انگلینڈ نے ٹاس جیت کر پہلے فیلڈنگ کا فیصلہ کیا۔آسٹریلیا نے مقررہ اوورز میں 9 وکٹوں کے نقصان پر 294 رنز بنائے۔

آسٹریلیا کے اوپنرز ڈیوڈ وارنر 6 اور ایرن فنچ نے 16 رنز بنائے جبکہ گلین مکیسویل 77 اور مچل مارش 73 رنر بنا کر نمایاں رہے۔

میزبان ٹیم انگلینڈ کی جانب سے مارک وڈ اور جوفرا آرچر نے 3،3 کھلاڑیوں کو آؤٹ کیا۔

آسٹریلیا کی جانب سے دیے جانے والے 295 رنز کے ہدف کے تعاقب میں میزبان ٹیم مقررہ اوورز میں 9 وکٹوں کے نقصان پر 275 رنز ہی بنا سکی۔

انگلش کرکٹ ٹیم کی جانب سے سیم بلنگز نے 118 اور جونی بیرسٹو نے 84 رنز بنائے۔آسٹریلوی باؤلر ایڈم زیمپا4 اور جوش ہیزل وڈ نے3 کھلاڑیوں کو آؤٹ کیا۔

واضح رہے کہ آسٹریلیا اور انگلینڈ کے درمیان سیریز کا دوسرا اور تیسرا میچ 13 اور 16 ستمبت کو کھیلا جائے گا۔

Comments

یہ بھی پڑھیں