لاہور: پہلے ون ڈے میچ میں آسٹریلیا نے پاکستان کو باآسانی 88 رنز سے شکست دے دی۔
تفصیلات کے مطابق لاہور میں کھیلے گئے پہلے ون ڈے میچ میں قومی ٹیم آسٹریلیا کی جانب سے دیے گئے 314 رنز کے تعاقب میں 45.1 اوورز میں 225 رنز پر ڈھیر ہوگئی۔
امام الحق کی 103 رنز کی اننگز بھی قومی ٹیم کو شکست سے نہ بچاسکی، کپتان بابر اعظم 57 رنز کے ساتھ نمایاں ہے۔
Googly beats Khushdil. #BoysReadyHain l #PAKvAUS pic.twitter.com/GVRyeTB2Ru
— Pakistan Cricket (@TheRealPCB) March 29, 2022
سعود شکیل 3، محمد رضوان 10 اور افتخار احمد 2 رنز بنا کر پویلین لوٹ گئے، فخر زمان 18 رنز بنا کر ٹریوس ہیڈ کو کیچ دے بیٹھے۔
خوشدل شاہ 19 اور حسن علی 2 رنز بناسکے، محمد وسیم بغیر کوئی رن بنائے آؤٹ ہوئے۔
On a roll. Wasim falls to Zampa. #BoysReadyHain l #PAKvAUS pic.twitter.com/Pe0mCY3vAR
— Pakistan Cricket (@TheRealPCB) March 29, 2022
آسٹریلیا کی جانب سے لیگ اسپنر ایڈم زمپا نے چار کھلاڑیوں کو پویلین کی راہ دکھائی، ٹریوس ہیڈ اور مچل سوئمپسن نے دو، دو وکٹیں حاصل کیں، نیتھن ایلس اور شان ایبٹ نے ایک، ایک وکٹ حاصل کی۔
آل راؤنڈ کارکردگی پر ٹریوس ہیڈ کو میچ کا بہترین کھلاڑی قرار دیا گیا۔
Bowled. Zampa gets Hassan.#BoysReadyHain l #PAKvAUS pic.twitter.com/MeiHoJSxyH
— Pakistan Cricket (@TheRealPCB) March 29, 2022
اس سے قبل آسٹریلیا نے مقررہ اوورز میں 7 وکٹوں کے نقصان پر 313 رنز بنائے تھے اور پاکستان کو جیت کے لیے 314 رنز کا ہدف دیا تھا۔
🚨 Innings Break 🚨 #BoysReadyHain l #PAKvAUS pic.twitter.com/EFs8qZy0g4
— Pakistan Cricket (@TheRealPCB) March 29, 2022
ٹریوس ہیڈ نے 72 گیندوں پر 101 رنز کی شاندار اننگز کھیلی، بین میکڈرموٹ 55 رنز کے ساتھ نمایاں رہے۔
کپتان ایرون فنچ 23 رنز بنا کر زاہد محمود کا نشانہ بنے، مارنوس لبوشین 25 رنز بنا کر پویلین لوٹ گئے، الیکس کیری کو 4 رنز پر زاہد محمود نے بولڈ کیا، مارکس اسٹونس 26 رنز بناسکے۔
Debut wicket for @iamzahid23 is the Australian skipper👏🏼#BoysReadyHain I #PAKvAUS pic.twitter.com/HWaAXnfGdb
— Pakistan Cricket (@TheRealPCB) March 29, 2022
شان ایبٹ 14 رنز بنا کر آؤٹ ہوئے، کیمرون گرین 40 رنز کے ساتھ ناٹ آؤٹ رہے۔
پاکستان کی جانب سے زاہد محمود اور حارث رؤف نے دو، دو وکٹیں حاصل کیں، خوشدل شاہ اور افتخار احمد ایک، ایک وکٹ حاصل کرسکے۔
Rips through the stumps, again @HarisRauf14! #BoysReadyHain I #PAKvAUS pic.twitter.com/3foZ5zhseV
— Pakistan Cricket (@TheRealPCB) March 29, 2022
اس سے قبل پاکستان نے ٹاس جیت کر کینگروز کے خلاف پہلے فیلڈنگ کرنے کا فیصلہ کیا تھا۔
آسٹریلیا کے خلاف پہلے ون ڈے میں پاکستان کے دو کھلاڑی ڈیبیو کررہے ہیں، میچ کے آغاز سے قبل زاہد محمود اور محمد وسیم جونیئر کو ڈیبیو کیپ دی گئی ہے۔
پہلے ون ڈے کیلیے پاکستان کے مایہ ناز فاسٹ بولر شاہین آفریدی دستیاب نہیں ہوں گے، کیوں کہ وہ ابھی تک انجری سے مکمل نجات حاصل نہیں کرسکے ہیں اسی لیے انہیں پہلے ون ڈے کیلئے آرام دے دیا گیا ہے۔
پاک آسٹریلیا ون ڈے: پہلے میچ سے قبل مہمان ٹیم کو بڑا دھچکا
دوسری جانب مہمان ٹیم کو بھی بڑا دھچکا ہے کیوں کہ آسٹریلوی ٹیم کے اسپنر ایشٹن ایگر کا کرونا ٹیسٹ مثبت آگیا ہے، جس کے باعث ون ڈے سیریز کےلیے دستیاب نہیں ہوں گے۔
