ہنٹرویلی: آسٹریلیا میں باراتیوں کی ایک بس کو حادثہ پیش آیا جس میں 10 ہلاک ہو گئے۔
غیر ملکی میڈیا رپورٹس کے مطابق ریاست نیو ساؤتھ ویلز میں شادی کی ایک بس کو حادثہ پیش آیا ہے، جس میں دس افراد ہلاک اور 25 زخمی ہو گئے، جب کہ 58 سالہ بس ڈرائیور کو گرفتار کر لیا گیا ہے۔
مقامی پولیس کا کہنا تھا کہ حادثہ رات کو پیش آیا، مسافر شادی کی تقریب سے واپس آرہے تھے کہ تیز رفتاری کے باعث ایک موڑ پر حادثہ رونما ہوا، اور گاڑی الٹ گئی۔
At least 10 people were killed and 25 injured after a bus rolled off a ramp in #Australia's Hunter wine region in north of Sydney. Police on Monday said the accident occurred late Sunday, as the bus ferried guests from a wedding at a local winery. pic.twitter.com/9YSZnHyo9N
— CGTN Global Watch (@GlobalWatchCGTN) June 12, 2023
آسٹریلوی پولیس کا یہ بھی کہنا تھا کہ حادثے کے وقت علاقے میں شدید دھند چھائی ہوئی تھی، ہلاکتوں میں اضافے کا خدشہ ہے، زخمیوں میں سے دو کو ہیلی کاپٹر کے ذریعے اسپتال لے جایا گیا تھا جن کی حالت نازک ہے۔
آسٹریلوی وزیر اعظم انتھونی البانیز نے کہا ’’یہ حادثہ ہنٹر ریجن میں ہوا، ہماری ہمدردیاں اس ہول ناک حادثے میں ہلاک ہونے والوں کے لواحقین کے ساتھ ہیں، خوشی کے دن کا اس طرح سے اختتام ہونا ظلم ہے۔‘‘
