چھوٹا بچہ غلطی سے کرسمس ٹری میں موجود ڈیکورشن کی گیند نگل گیا جسے دیکھ کر نرس بھی پریشان ہوگئیں۔
آسٹریلیا کی ایک نرس نے کرسمس تہوار سے پہلے بچوں کے تحفظ کے لیے ایک مہم چلتے ہوئے والدین کو خبر دار کیا ہے، جس میں انہوں نے ایک خوفناک ایکسرے شیئر کیے جو بچے کے گلے کی ہے۔
روپورٹ کے مطابق گزشتہ برس ایک معصوم بچہ غلطی سے کرسمس ڈیکوریشن ٹری میں موجود گیند کا ایک حصہ نگل گیا جو اس کی غذائی نالی میں پھنس گئی۔
آسٹریلوی نرس نے کہا کہ’ شکر ہے، آپریشن سے قبل بچے کو سانس لینے کے لیے کافی جگہ تھی، اگر جگہ نہیں ہوتی تو بچے کا دم گھٹ سکتا تھا‘۔
نرس نے اس بچے کا ایکسرے شیئر کرتے ہوئے والدین بالخصوص ماؤں کو خبردار کیا ہے، انہوں نے کہا کہ تہوار یا عام دنوں میں بھی ایسی چھوٹی چیزیں اپنے معصوم بچے کے اردگرد نہ رکھیں۔
نرس نے کہا کہ یہ بچوں کے لیے جان لیوا ثابت ہوسکتا ہے، نرس کی اس پوسٹ پر کچھ والدین نے تشویش کا اظہار کیا اور کہا کہ ’ میں ایکسرے کی تصویر دیکھ کر حیران ہوں، یہ ویسا ہی ہے جس کا مجھے ڈر ہے‘۔
ایک اور ماں نے کہا جی ہاں، میں نے اپنی کمسن بیٹی کو منہ میں چیزیں ڈالتے ہوئے دیکھا ہے جس کے بعد میں نے اپنے کرسمس ٹری سے تمام گیند اتار دی ہیں۔
جب کہ ماں نے انکشاف کیا کہ کاش زیادہ سے زیادہ لوگ اس بات سے واقف ہوتے کہ شاپنگ مالز میں ‘ذاتی طور پر بنائے گئے باؤبلز’ کتنے خطرناک ہیں!۔
