The news is by your side.

آسٹریلیا ویمن ٹیم نے پہلے ون ڈے میں پاکستان کو ہرا دیا

پاکستان اور آسٹریلیا کی ویمن ٹیموں کے مابین تین ایک روزہ میچوں پر مشتمل سیریز کے پہلے میچ میزبان کینگروز نے شاہینوں کو شکست دے دی۔

برسبین میں کھیلے گئے بارش سے متاثرہ میچ کو 40 اوورز تک محدود کر دیا گیا تھا۔ پاکستان پہلے بیٹنگ کرتے ہوئے 8 وکٹوں پر 160 رنز ہی بنا سکی تھی۔

ندا ڈار نے نصف سنچری اسکور کی اور 59 رنز بنا کر نمایاں رہیں جب کہ کپتان بسمہ معروف نے 28 رنز اسکور کیے۔ آسٹریلیا کی جانب سے ڈریسی براؤن اور جیس جیناسن نے دو دو وکٹیں حاصل کیں۔

کینگروز نے مطلوبہ 161 رنز کا ہدف با آسانی دو وکٹوں کے نقصان پر 29 ویں اوور میں حاصل کرلیا۔ آسٹریلیا کی جانب سے لیچ فیلڈ نے 78 رنز کی ناقابل شکست اننگ کھیلی جب کہ میگ لیننگ نے 67 رنز بنائے۔ پاکستان کی جانب سے ڈیانا بیگ اور عمائمہ سہیل نے ایک ایک وکٹ حاصل کی۔

آسٹریلیا کی لیچ فیلڈ کو ناقابل شکست نصف سنچری بنانے پر میچ کی بہترین کھلاڑی قرار دیا گیا۔

سیریز کا دوسرا میچ 18 جنوری کو اسی گراؤنڈ میں کھیلا جائے گا جس کے بعد دونوں ٹیمیں سڈنی کا رخ کریں گے جہاں 21 جنوری کو سیریز کا تیسرا اور آخری میچ کھیلا جائے گا۔

Comments

یہ بھی پڑھیں