پیرس اولمپکس میں شریک آسٹریلیا کے ہاکی پلیئر ٹام کریگ کو پیرس میں مبینہ طور پر کوکین خریدتے ہوئے گرفتار کر لیا گیا۔
پولیس کے مطابق آسٹریلین ہاکی ٹیم کے کھلاڑی کو کوکین خریدتے ہوئے رنگے ہاتھوں گرفتار کرلیا گیا، کریگ کو شاپنگ مال سے گرفتار کیا گیا لیکن تاحال ان پر فرد جرم عائد نہیں کی گئی ہے۔
- Advertisement -
آسٹریلین اولمپکس کمیٹی نے بھی ایک کھلاڑی کے گرفتار ہونے کی تصدیق کردی ہے، 28 سالہ آسٹریلوی خریدار پیرس میں گرفتار ہوئے۔
یاد رہے آسٹریلین ہاکی ٹیم کو پیرس اولمپکس کے کوارٹر فائنل میں شکست ہوگئی تھی جب کہ ٹام کریگ 2021 میں ہونے والے اولمپکس کی سلور میڈلسٹ ٹیم کا بھی حصہ تھے۔
