سڈنی : آسٹریلوی پولیس نے جہاز کو بم سے اڑانے کا منصوبہ ناکام بناتے ہوئے 4 افراد کو گرفتار کرلیا۔
تفصیلات کے مطابق آسٹریلیا میں انسداد دہشت گردی پولیس نے جہاز کو بم سے اڑانے کا منصوبہ ناکام بناتے ہوئےسڈنی سے 4 افراد کو گرفتار کرلیا۔
آسٹریلوی وزیراعظم میلکم ٹرن بال نےمیڈیا سے بات کرتے ہوئے کہا کہ انسداد دہشت گردی پولیس نےسڈنی میں بڑا مشترکہ انسداد دہشت گردی آپریشن کرتے ہوئے چھاپے مار کر باپ بیٹے سمیت 4 افراد کو گرفتار کیا ہے۔
میلکم ٹرن بال کا کہنا تھا کہ گرفتار کیے گئے ملزمان کے قبضے سے بم بنانے میں استعمال ہونے والا سامان بھی برآمد ہوا ہے۔
The number one priority of my Government, and my commitment to the Australian people, is to keep them safe. pic.twitter.com/xrNqvAKlJi
— Malcolm Turnbull (@TurnbullMalcolm) July 30, 2017
خیال رہےکہ حملے کا منصوبہ ناکام بنائے جانے کے بعد پورے آسٹریلیا میں ملکی اور بین الاقوامی ہوائی اڈوں پرسیکیورٹی کو مزید سخت کردیا گیا ہے جبکہ دہشت گردی کے خطرے کی سطح کو درمیانے درجے پر رکھا گیا ہے۔
بیلجئم کے میٹرو اسٹیشن پر دھماکہ، ایئرپورٹ پردودھماکے، 27 ہلاک متعدد زخمی
یاد رہےکہ گزشتہ سال مارچ میں بیلجئم کے ایئرپورٹ پردودھماکے ہوئے تھے جن میں 13 افراد جاں بحق جبکہ متعدد افراد زخمی ہوئےجبکہ برسلز میں ہی میٹرو اسٹیشن پرہونےوالے دھماکے میں 15 افراد مارے گئے تھے۔
واضح رہےکہ آسٹریلوی پولیس کا کہنا ہے کہ گرفتار چاروں ملزمان اسلام پسند ذہن کے مالک ہیں اور اسی تناظر میں جہاز کو دھماکے سے تباہ کرنے کا منصوبہ بنا رہے تھے۔