آسٹریلین ویمن لیگ اسپنر الانا ماریہ کنگ نے شین وارن کی یاد تازہ کردی، ایسی گھومتی ہوئی گیند کرائی ہے بھارتی بیٹر چکرا کر رہ گئیں۔
تفصیلا کے مطابق کرکٹ کی تاریخ کے بہترین لیگ اسپنر مانے جانے والے شین وارن کی جادوئی گیندیں اکثر بیٹرز کو چکرا کر رکھ دیتی تھیں۔ انگلینڈ کے خلاف ان کی پھینکی گئی گیند کو ’بال آف دی سنچری‘ بھی قرار دیا گیا تھا جس پر انگلش بیٹر مائیک گیٹنگ کو بولڈ کیا تھا۔
اب آنجہانی کینگرو اسپنر کی یاد تازہ کرتے ہوئے آل راؤنڈر الانا کنگ نے بھی ایسی ہی عمدہ ڈلیوری پر بھارتی بیٹر پوجا وستراکر کو بولڈ کردیا۔
سوشل میڈیا پر شیئر کی جانے والے ویڈیو میں دیکھا جاسکتا ہے کہ الانا اور اور شین وارن کی گیندوں میں کافی مماثلت ہے اور دنوں ہی گیندیں بیٹرز کے لیے ایسی نہیں تھیں کہ وہ اسے کھیل پاتے۔
The commentary box has been marveling at Alana King's bowling last night, so the truck decided to put this split screen together ⭐ pic.twitter.com/6vcka89cPl
— 7Cricket (@7Cricket) January 3, 2024
الانا کے اس گیند پر کرکٹ کے حلقے ان کی خوب تعریف کررہے ہیں اور ان کی اس عمدہ لیگ اسپن ڈلیوری کی ویڈیو انٹرنیٹ پر زیر گردش ہے۔
واضح رہے کہ آخری ون ڈے میں آسٹریلوی ویمنز کرکٹ ٹیم نے بھارتی خواتین کو 190 رنزسے شکست دیتے ہوئے سیریز میں کلین سوئپ مکمل کرلیا تھا۔