کراچی: معروف آسٹریلوی کرکٹ امپائر سائمن ٹوفل کی ویڈیو وائرل ہوگئی جس میں انہیں دیسی انداز میں چائے بناتے ہوئے دیکھا جا سکتا ہے۔
تفصیلات کے مطابق پی ایس ایل سیزن فائیو کے میچز میں امپائرنگ کے لیے پاکستان آنے والے معروف آسٹریلوی کرکٹ امپائر سائمن ٹوفل بھی چائے کے دیوانے نکلے۔
سماجی رابطے کی ویب سائٹ ٹویٹر پر ایک ویڈیو وائرل ہوئی ہے جس میں کرکٹ کی دنیا کے نامور امپائر سائمن ٹوفل کو چائے بناتے ہوئے دیکھا جا سکتا ہے۔سائمن ٹوفل نے دیسی انداز میں چائے بنا کر نہ صرف ساتھیوں سے داد وصول کی بلکہ پاکستانیوں کے بھی دل جیت لیے۔
Adding Australian touch to Karachi’s very own doodh paati (Tea) ☕#SimonTaufel #Karachi 🇵🇰 pic.twitter.com/AexezlFGau
— Malik. (@NavazMalik) February 21, 2020
آسٹریلیا سے تعلق رکھنے والے سائمن ٹوفل کا شمار کرکٹ کے بہترین امپائروں میں ہوتا ہے وہ 2004 سے 2008 تک مسلسل پانچ بار آئی سی سی امپائر آف دی ایئر قرار پائے ۔ معروف آسٹریلوی کرکٹ امپائر تقریباََ 11 سال بعد پی ایس ایل کے موقع پر پاکستان آئے ہیں۔
