جنوبی آسٹریا کے شہر گریز میں ایک اسکول میں پیش آنے والے افسوسناک واقعے میں 9 افراد ہلاک جبکہ متعدد زخمی ہوگئے۔
غیر ملکی ذرائع ابلاغ کے مطابق پولیس نے بتایا کہ اسکول کے طالب علم نے ساتھیوں اور ٹیچرز پر فائرنگ کی اور بعد میں خود کو بھی گولی مارلی۔
پولیس نے بعد میں ایک بیان میں کہا کہ اسکول کو خالی کرا لیا گیا ہے، حملے میں متعدد افراد ہلاک یا شدید زخمی ہوئے ہیں، ان میں طلباء اور اساتذہ دونوں شامل ہیں۔
گریز کے میئر نے کہا کہ ہلاک ہونے والوں میں گولی چلانے والا بھی شامل ہے جبکہ معاملے کی مزید تحقیقات کا آغاز کردیا گیا ہے۔
یاد رہے کہ اس سے قبل نائیجریا کے ایک اسکول میں ہولناک آتشزدگی کے باعث 17 معصوم بچے جھلس کر جاں بحق جب کہ اتنے ہی زخمی ہوگئے تھے۔
افسوسناک واقعہ نائیجریا کی شمال مغربی ریاست زمفارا کے علاقے کوارا نمودا میں پیش آیا تھا، جہاں ایک اسلامی اسکول میں آگ لگنے کے نتیجے میں کم از کم 17 بچے جاں بحق اور 17 ہی جھلس کر شدید زخمی ہوئے۔
آگ لگنے کے وقت اسکول میں 100 کے قریب طلبہ موجود تھے جنہیں فوری ریسکیو کرکے بچایا گیا۔
نائیجیریا کی قومی ایمرجنسی مینجمنٹ ایجنسی (این ای ایم اے) نے واقعے کی تصدیق کرتے ہوئے بتایا تھا کہ زخمی بچوں کو مختلف اسپتالوں میں علاج کے لیے منتقل کیا گیا ہے۔
اسرائیلی فورسز کی غزہ میں بمباری، مزید 60 فلسطینی شہید
آگ لگنے کی وجوہات تاحال معلوم نہیں ہو سکی ہیں تاہم حکومتی سطح پر تحقیقات کا آغاز کر دیا گیا ہے۔
