The news is by your side.

Advertisement

طور خم بارڈر پر جدید آٹو میٹک تھرمل اسکینر نصب

اسلام آباد: پاک افغان سرحد طور خم بارڈر پر جدید آٹو میٹک تھرمل اسکینر نصب کر دیا گیا، 2 روز قبل 400 افراد کو افغانستان سے پاکستان داخلے کی اجازت دی گئی تھی۔

تفصیلات کے مطابق سینٹرل ہیلتھ اسٹیبلشمنٹ محکمہ صحت نے اہم اقدام کرتے ہوئے کہا کہ طور خم بارڈر پر جدید آٹو میٹک تھرمل اسکینر نصب کر دیا گیا، تھرمل اسکینرز کی مدد سے پاکستان میں داخل ہونے والوں کو چیک کیا جائے گا۔

ذرائع کا کہنا ہے کہ جمعہ کو 400 افراد کو افغانستان سے پاکستان داخلے کی اجازت دی گئی تھی جس کو مدنظر رکھتے ہوئے چند دنوں میں طور خم بارڈر پر ایک اور آٹو میٹک تھرمل اسکینر نصب کیا جائے گا۔

آٹو میٹک تھرمل اسکینر بخار اور فلو کے مریض کی شناخت کرتا ہے۔

خیال رہے کہ نیشنل کمانڈ اینڈ آپریشن سینٹر کے مطابق ملک میں کرونا وائرس کے مصدقہ کیسز کی تعداد بڑھ کر 7 ہزار 993 ہوچکی ہے جبکہ ملک بھر میں 159 مریض جاں بحق ہو چکے ہیں۔

قومی ادارہ صحت کی رپورٹ کے مطابق اب تک 217 ہیلتھ پروفیشنلز بھی کرونا وائرس کا شکار ہوچکے ہیں جن میں ڈاکٹرز، نرسز اور اسپتال کا دیگر عملہ شامل ہے۔

رپورٹ کے مطابق ملک میں تاحال 217 ہیلتھ پروفیشنلز کرونا وائرس کا شکار ہو چکے ہیں جن میں سے 116 ڈاکٹرز، 34 نرسز اور 67 دیگر اسپتال ملازمین شامل ہیں۔

Comments

یہ بھی پڑھیں