site
stats
خواتین

پاکستانی خاتون کے لیے جاپان کا ثقافتی اعزاز

اسلام آباد: دو پاکستانی شہریوں بشمول خاتون کو جاپان کے سال 2017 کے ثقافتی آٹم ڈیکوریشن ایوارڈ سے نوازا گیا جنہوں نے ثقافتوں کے ملاپ کے ذریعے پاکستان اور جاپان کے درمیان تعلقات کی بہتری میں اضافہ کیا۔

لاہور میں تعینات جاپان کے اعزازی قونصل جنرل نے عامر حسین شیرازی اور روئیدہ کبیر کو اس اعزاز سے نوازا۔

روئیدہ کبیر پاکستان جاپان کلچر ایسوسی ایشن کی صدر ہیں اور دونوں ممالک کے درمیان ثقافتی روابط بہتر کرنے کے لیے کافی عرصے سے کام کر رہی ہیں۔

اعزاز دینے کی تقریب جاپانی سفارت خانے میں منعقد ہوئی۔

اس موقع پر جاپانی سفیر تاکاشی کورائی کا کہنا تھا کہ ان دونوں کی معاونت کے بغیر دونوں ممالک کے درمیان ثقافتی روابط کو فروغ دینا ناممکن تھا۔

روئیدہ کبیر کو ’دا آرڈر آف دی رائزنگ سن‘ کا بیج جبکہ عامر حسین کو میڈل پہنایا گیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top