عوامی مسلم لیگ کے سربراہ و سابق وفاقی وزیر داخلہ شیخ رشید کا کہنا ہے کہ الیکشن ناگزیر ہیں سیاسی بکرےکی ماں کب تک الیکشن سے بھاگےگی۔
عوامی مسلم لیگ کے سربراہ و سابق وفاقی وزیر داخلہ شیخ رشید نے سماجی رابطے کی ویب سائٹ ٹوئٹر پر لکھا کہ معاشی، ملکی، اقتصادی اور قومی سلامتی سب خطرے میں پڑ گئی ہیں۔
شیخ رشید نے لکھا کہ اب نواز شریف کو بلائیں اوراس کا بھی سیاسی کام تمام کرائیں، الیکشن ناگزیر ہیں سیاسی بکرےکی ماں کب تک الیکشن سے بھاگےگی۔
انہوں نے کہا کہ پی ڈی ایم الیکشن سے فراری ہے تو پھر ملک میں وہ کیا چاہتی ہے، ملک میں اہم سیاست شروع ہوگئی ہے۔
15جنوری سے15اپریل اہم ہیں100دن میں انتخابی شیڈول آئے گاپنجاب کے بعد کے پی کے اسمبلی تحلیل ہوگی،پھرسندھ اسمبلی سےممبر واپس اورقومی اسمبلی سے استعفے منظورکرائیں گے۔بلدیاتی شعبدہ بازی کام نہیں آئے گی۔جتنی دیر کریں گے اپنی سیاست ڈھیر کریں گےبینکوں کےلٹنےکےخوف سےسیکیورٹی بڑھادی گئی ہے
— Sheikh Rashid Ahmed (@ShkhRasheed) January 14, 2023
عوامی مسلم لیگ کے سربراہ نے کہا کہ 15 جنوری سے 15 اپریل ملک کے کیے اہم ہیں، 100 دن میں انتخابی شیڈول آئےگا، پنجاب کے بعد کے پی اسمبلی تحلیل ہوگی۔
شیخ رشید کا کہنا ہے کہ سندھ اسمبلی سے ممبر واپس اور قومی اسمبلی سے استعفے منظور کرائیں گے، بلدیاتی شعبدہ بازی کام نہ آئےگی، جتنی دیرکرینگے اپنی سیاست ڈھیرکرینگے۔
