کراچی : مزارات کے لنگر خانوں کو جدید ہوٹلوں میں تبدیل کرنے کا فیصلہ کرلیا گیا ، عبداللہ شاہ غازی اور حضرت لال شہباز قلندر کے مزار کے لنگر خانے کی نیلامی 29 نومبر کو ہوگی۔
تفصیلات کے مطابق محکمہ اوقاف سندھ نے مزارات کے لنگرخانے نیلام کرنے کیلئے اخبارمیں اشتہار دے دیے۔
محکمہ اوقاف نے مزارات کے لنگر خانوں کو جدید ہوٹلوں میں تبدیل کرنے کا فیصلہ کرلیا، مزارات آنے والے زائرین کے لیے قائم مسافرخانےبھی اب نیلام ہوں گے۔
محکمہ اوقاف سندھ کی جانب سے 11 نومبر کو اخبارات میں نیلامی کا اشتہار دیا گیا، عبداللہ شاہ غازی اور لال شہباز قلندر کے مزار کے لنگر اور مسافر خانوں کو بھی نیلام کیا جائے گا۔
عبداللہ شاہ غازی کے مزار کے لنگر خانے کی نیلامی 29نومبر کو ایڈمنسٹریٹر اوقاف کےدفترمیں ہوگی جبکہ حضرت لال شہباز قلندر کے مزار کے لنگر اور مسافر خانے کی نیلامی بھی 29 نومبر کو حیدرآباد میں ہوگی۔
