استنبول: ترک ڈرامہ سیریز ’ارطغرل غازی کی کاسٹ کے متعدد اداکار آیا صوفیا پہنچ گئے جس کی تصاویر وائرل ہوگئیں۔
تفصیلات کے مطابق سماجی رابطے کی ویب سائٹ انسٹاگرام پر ارطغرل کے اداکاروں نے آیا صوفیا کے دورے کی تصاویر شیئر کردی جو سوشل میڈیا پر وائرل ہوگئی۔
سیل ال کی جانب سے آیا صوفیا مسجد میں لی گئیں خوبصورت تصاویر اپنے سوشل میڈیا اکاؤنٹ پر شیئر کیں اور لکھا کہ ’اللہ کا شکر ادا کرتے ہیں۔‘
ارطغرل کے سیزن تھری اور فور میں اصلیحان خاتون کا اہم کردار ادا کرنے والی گلسم علی نے بھی تاریخی مسجد آیا صوفیا کا دورہ کیا۔
گلسم علی نے اپنے انسٹاگرام پر ایک خوبصورت تصویر شیئر کی۔
واضح رہے کہ گزشتہ روز ترک صدر رجب طیب اردوان کے علاوہ ترکی کی دیگر سیاسی شخصیات نے بھی آیا صوفیہ میں نماز جمعہ ادا کی تھی، نماز کی ادائیگی کے لیے ناصرف آیا صوفیہ مسجد کے اندر بلکہ باہر بھی لوگوں کی بڑی تعداد موجود تھی، ایک اطلاع کے مطابق نماز جمعہ کے لیے لوگ صبح سویرے سے جمع ہونا شروع ہوگئے تھے۔
رواں ماہ ترکی کے صدر نے استنبول کی تاریخی اہمیت کی حامل عمارت آیا صوفیا کو مسجد میں تبدیل کرنے کے حکم نامے پر دستخط کیے تھے۔
اردوان نے یونیسکو کے عالمی تاریخی ورثے میں شامل اس مقام کو دوبارہ مسجد میں تبدیل کرنے کی تجویز دی تھی، آیا صوفیا مسیحی بازنطینی اور مسلمان سلطنت عثمانیہ دونوں کے لیے بنیاددی اہمیت کی حامل رہی ہے۔
