لاہور : حلقہ این اے ایک سو بائیس کے امیدواراور سابق اسپیکر قومی اسمبلی سردار ایاز صادق نے کہا ہے کہ ٹریبونل کے فیصلے کے خلاف سپریم کورٹ نہیں گئے بلکہ عوام کی عدالت میں آنے کو ترجیح دی۔
پی ٹی آئی والے بوکھلاہٹ کا شکار ہیں انہیں این اے 122 میں اپنی ہارنظرآرہی ہے، ان خیالات کا اظہار انہوں نے ریلوے انجن شیڈ میں ریلوے کارکنوں سے خطاب کرتے ہوئے کیا۔
سردار ایازصادق نے کہا کہ نواز شریف نے وہ لہجہ کبھی استعمال نہیں کیا جو عمران خان مخالفین کے خلاف استعمال کرتے ہیں۔
انہوں نے کہا کہ ملک میں امن و امان کی صورتحال بہتر ہوئی ہے مگر عمران خان کے حالات نہیں بدلے۔
ان کا کہنا تھا کہ انہوں نے کہا کہ پی ٹی آئی والے بوکھلاہٹ کا شکار ہیں انہیں این اے 122 میں اپنی ہارنظرآرہی ہے، جب سے بھابھی صاحبہ حلقے میں آئی ہیں پی ٹی آئی کو خوف ہے کہ کہیں ہری پور والا معاملہ نہ ہوجائے۔
انہوں نے کہا کہ عمران خان کو پاک چین اقتصادی راہداری کی سمجھ نہیں آرہی، عمران خان نے چینی سرمایہ کاروں کو بھگانے کی کوشش کی اگر چینی سرمایہ دار ی رکی تو ذمہ دار عمران خان ہونگے اور یہ ملک کی بڑی بدقسمتی ہوگی۔
سردار ایاز صادق کا کہنا تھا کہ مخالفین گھبرائے ہوئے ہیں،لنگڑا گھوڑامیدان میں لائے ہیں، میری جنگ علیم خان سے نہیں عمران خان سے ہے، انہوں نے کہا پیسہ اگر الیکشن جتواتا تو علیم خان کوئی الیکشن نہ ہارتے۔
0
20
