دبئی: متحدہ عرب امارات کی ریاست دبئی میں جاری الفجیرہ اوپن انٹرنیشنل تائی کوانڈو چیمپئن شپ میں پاکستان نے پہلا گولڈ میڈل جیت لیا۔
تفصیلات کے مطابق دبئی میں جاری الفجیرہ اوپن انٹرنیشل تائی کوانڈو چیمپئن شپ میں 9 سالہ عائشہ نے پاکستان کے لیے پہلا گولڈ میڈل جیت کر سبز ہلالی پرچم بلند کردیا۔ایونٹ کے پہلے روز پاکستان نے چار سلور اور دو برانز میڈلز بھی جیتے۔
عائشہ ایاز نے پہلے مقابلے میں دبئی، دوسرے میں کرغزستان اور تیسرے میں انگلینڈ کے کھلاڑیوں کو شکست دی، عائشہ ایاز نے 34 کے جی کے مقابلوں میں حصہ لیا۔ ان مقابلوں میں مجمووی طور پر دنیا بھر سے 50 ملکوں کے کھلاڑیوں نے شرکت کی۔
واضح رہے کہ گزشتہ سال بھی عائشہ ایاز نے دبئی میں بین الاقوامی تائکوانڈو کے مقابلوں میں برانز میڈل جیت لیا تھا۔
Congratulations Aisha Ayaz of Swat upon winning the Gold Medal for Pakistan at Al Fujiarah Open International Taekwondo Championship. Pakistan is #ProudOfYou dear Aisha!!!!!! Welldone!!! pic.twitter.com/mhpWYQuD2K
— Faisal Javed Khan (@FaisalJavedKhan) February 2, 2020
تحریک انصاف کے سینیٹر فیصل جاوید خان نے عائشہ کو گولڈ میڈل جیتنے پر مبارک باد دی اور ان کی میڈل کے ساتھ تصاویر بھی شیئر کیں۔
فیصل جاوید نے لکھا کہ‘پاکستان کے لیے گولڈ میڈل جیتنے پر سوات کی عائشہ ایاز کو مبارک باد پیش کرتے ہیں، ہمیں آپ پر فخر ہے۔
