لاہور : عمران خان پر لگائے جانے والے سنگین الزامات پرتحریک انصاف نے عائشہ گلالئی کو لیگل نوٹس بھجوادیا، دس دن میں الزامات کے ثبوت فراہم نہ کرنے پر معافی نہ مانگی تو تین کروڑ روپے ہرجانہ ادا کرنا پڑے گا۔
تفصیلات کے مطابق پاکستان تحریک انصاف نے پارٹی سے منحرف ہونے والی عائشہ گلالئی کی جانب سے چیئرمین پی ٹی آئی عمران خان پر لگائے جانے والے سنگین الزامات پر اہم قدم اٹھا لیا ہے۔
اس حوالے سے پی ٹی آئی نے عائشہ گلالئی کو لیگل نوٹس بھجوادیا ہے، مذکورہ لیگل نوٹس ان کے مستقل پتہ اور پارلیمنٹ لاجز پر بھجوایا گیا ہے۔
نوڑس میں کہا گیا ہے کہ عائشہ گلالئی دس دن کے اندر اندر لگائے گئے الزامات کے ثبوت فراہم کریں، ثبوت فراہم نہ کیے گئے تو جھوٹے الزام لگانے پرمعافی مانگیں۔
مزید پڑھیں: پی ٹی آئی چھوڑ رہی ہوں، خواتین کی عزت نہیں عائشہ گلالئی
نوٹس کے متن میں مزید لکھا ہے کہ عائشہ گلالئی نے ثبوت کی عدم فراہمی پر معافی نہ مانگی تو انہیں تین کروڑ روپے ہرجانہ ادا کرنا ہوگا۔
مزید پڑھیں: عائشہ گلالئی نے ٹکٹ نہ ملنے پر پارٹی چھوڑی، شیریں مزاری
یاد رہے کہ گزشتہ روز پی ٹی آئی کی رکن قومی اسمبلی عائشہ گلالئی نے عمران خان پر سنگین الزامات لگاتے ہوئے پارٹی چھوڑنے کا اعلان کیا تھا۔
مزید پڑھیں: تحریک انصاف میں خواتین کی عزت محفوظ نہیں، عائشہ گلالئی
اپنی پریس کانفرنس میں ان کا کہنا تھا کہ عمران خان پارٹی کی خواتین کی عزت نہیں کرتے اور انہیں نازیبا قسم کے ٹیکسٹ میسجز بھیجتے ہیں۔
