کراچی: چیف فائر آفیسر اشتیاق احمد نے عائشہ منزل پر آتشزدگی کے واقعے پر کہا کہ آگ اطلاع ملنے سے کافی دیر پہلے لگی تھی۔
تفصیلات کے مطابق گزشتہ روز عائشہ منزل کے قریب فرنیچر کی دکانوں میں اچانک آگ بھڑک اٹھی جس نے دیکھتے ہی دیکھتے رہائشی فلیٹس کو بھی اپنی لپیٹ میں لے لیا تھا۔
اس واقعے سے متعلق چیف فائر آفیسر اشتیاق احمد نے کہا کہ فائر بریگیڈ کو تاخیر سے اطلاع دی گئی تھی، آگ جب چوتھے فلور تک پہنچی تب فائر بریگیڈ کو بلانے کی بات ہوئی۔
کراچی : عرشی شاپنگ سینٹر میں خوفناک آتشزدگی ، جاں بحق افراد کی تعداد 5 ہوگئی
چیف فائر آفیسر کا کہنا تھا کہ لوگوں میں آگاہی کی کمی ہے، لوگ فائر بریگیڈ کا نمبر نہیں جانتے، آگ لگنے کے بعد شروع کے 5 سے 10 منٹ کا وقت انتہائی اہم ہوتا ہے۔
اشتیاق احمد نے کہا کہ بلڈنگ میں کوئی فائر فائٹنگ کا سامان نہیں تھا، بلڈنگ میں کوئی ہنگائی اخراج کا راستہ بھی نہیں تھا، ہمیں 20 سے 25 منٹ تاخیر سے اطلاع دی گئی۔
چیف فائر آفیسر اشتیاق احمد نے شاپنگ مال کی آگ سے اتنی تباہی کی وجہ بتاتے ہوئے کہا کہ بلڈنگ میں سب ایسا سامان تھا جو تیزی سے آگ پکڑتا ہے، اسی وجہ سے آگ تیزی سے بھیلی۔
چیف فائر آفیسر اشتیاق احمد کا یہ بھی کہنا تھا کہ ہمیں 5 سے 7 منٹ ٹریفک جام میں پھنسنے کے باعث لگ گئے، ہماری گاڑیاں بروقت نکلی تھیں یہاں کا انسپکشن نہیں ہوا تھا۔
چیف فائر آفیسر نے مزید کہا کہ مئیر کراچی نے اختیارات دئیے ہیں ہم کام شروع کررہے ہیں، ابتدا میں تین مقامات پر ٹارگٹ کرکے انسپکشن شروع کردی ہے، ایک بلڈنگ کی انسپکشن میں 3 سے 4 گھنٹے لگ جاتے ہیں۔
چیف فائر آفیسر اشتیاق احمد نے بتایا کہ ہماری تین مختلف ٹیمیں کام کررہی ہیں، پورے شہر کی انسپکشن کرنے میں کافی وقت لگ سکتا ہے۔
اشتیاق احمد کا بتانا تھا کجہ اس سال 1670 چھوٹے بڑے آگ لگنے کے واقعات ہو چکے ہیں، آر جے مال میں کوئی فائر سیفٹی کا سسٹم موجود نہیں تھا، پورے شہر میں 28 فائر اسٹیشنز کام کررہے ہیں۔
