ممبئی: بالی وڈ سے دوری اختیار کرنے والی اداکارہ عائشہ تاکیہ کی حالیہ تصاویر اور ویڈیوز نے ان کے مداحوں کو حیران کر دیا۔
عائشہ تاکیہ نے فلم ’ٹارزن‘ سے بالی وڈ میں قدم رکھا تھا تاہم انہیں سُپر اسٹار سلمان خان کے ساتھ فلم ’وانٹڈ‘ میں جلوہ گر ہونے سے شہرت ملی۔
طویل عرصے سے اسکرین سے غائب ہونے کے باوجود وہ سوشل میڈیا پر اپنے مداحوں سے جڑی ہوئی ہیں۔
عائشہ تاکیہ نے پچھلے چند دنوں کے دوران اپنی تصاویر اور ویڈیوز شیئر کیں جنہین دیکھ کر ان کے مداحوں کو دھچکا لگا۔ تصاویر اور ویڈیوز پر وہ پہلی نظر میں اپنی پسندیدہ اداکارہ کو پہچاننے میں ناکام رہے۔
View this post on Instagram
حالیہ تصاویر میں عائشہ تاکیہ کو نیلی اور گولڈن رنگ کی ساڑھی میں خوب بناؤ سنگھار کے ساتھ دیکھا گیا۔
تصاویر پر ایک مداح نے ردعمل دیا کہ ’یہ عائشہ تاکیہ نہیں ہو سکتیں‘ جبکہ دوسرے نے لکھا ’مجھے معلوم ہے انہوں نے پلاسٹک سرجری کروائی ہے میں انہیں لیکن پہلی نظر میں پہچان نہیں سکا‘۔
چاہنے والوں میں سے ایک نے لکھا کہ ’مجھے یاد ہے بچپن کے دنوں میں ان کی فلمیں دیکھتا تھا۔ میری پسندیدہ فلمیں ’دل مانگے مور‘ اور ’ٹارزن‘ ہیں‘۔
View this post on Instagram
بالی وڈ اداکارہ کئی مشہور فلموں میں نظر آ چکی ہیں جن میں ٹارزن، دل مانگے مور، سوچا نہ تھا، شادی نمبر 1، دور اور پاٹھ شالہ شامل ہیں۔ مداحوں نے ہمیشہ ان کی خوبصورتی اور اداکاری کی تعریف کی لیکن وہ فلم انڈسٹری سے اچانک غائب ہو گئیں۔
رپورٹس کے مطابق عائشہ تاکیہ نے شادی کے بعد اسکرین سے دوری اختیار کی۔ انہوں نے 2009 میں کاروباری شخصیت فرحان اعظمی شادی کی۔
