پاکستان کی معروف اداکارہ عائزہ خان نے ’جان جہاں‘ میں حمزہ علی عباسی شمولیت سے متعلق انکشاف کیا ہے۔
اے آر وائی ڈیجیٹل کا مقبول ڈرامہ ’جان جہاں‘ ہر جمعہ اور ہفتے کے روز نشر کیا جاتا ہے، حمزہ علی عباس نے 2020 میں شوبز سے کنارہ کشی کرنے کے بعد اب اسی ڈرامے سے اسکرین پر واپسی بھی کی ہے۔
View this post on Instagram
اداکارہ عائزہ خان نے حال ہی میں ایک انٹرویو میں’جان جہاں‘ سے متعلق گفتگو کرتے ہوئے یہ بتایا کہ ’ مجھے اس ڈرامے کی پیشکش 2018 میں ہوئی تھی۔
انہوں نے کہا کہ اس ڈرامے میں اداکار حمزہ علی عباسی کی شمولیت میرے لیے سرپرائز تھا، مجھے ٹیم کی جانب سے بتایا گیا تھا کہ میرے لیے ایک سرپرائز ہے اور وہ سرپرائز حمزہ کی کاسٹنگ سے متعلق تھی۔
اداکارہ کا کہنا تھا کہ’ مجھے یقین تھا کہ یہ پروجیکٹ کچھ حیرت انگیز ثابت ہوگا، کہانی میں مزید تبدیلیاں آئیں گی اور دیکھنے والے حیران ہوں گے۔
اداکارہ نے کہا کہ انہیں حمزہ علی عباسی کے ساتھ کام کرکے اچھا لگ رہا ہے، اب دونوں تبدیل ہوچکے ہیں، اب نہ صرف ان کی شادیاں ہوچکی ہیں بلکہ ان کے بچے بھی ہوچکے ہیں۔
View this post on Instagram
واضح رہے کہ ڈرامہ سیریل ’جانِ جہاں‘ میں حمزہ علی عباسی اور عائزہ خان مرکزی کردار نبھا رہے ہیں، دیگر کاسٹ میں رضا تالش، حارث وحید، مریم نفیس، نوال سعید، صرحا اصغر، عماد عرفانی، زینب قیوم، سویرا ندیم، نوشین شاہ، ثاقب سمیر، نور الحسن ودیگر شامل ہیں۔
ڈرامے کی ہدایت کاری کے فرائض قاسم علی مرید نے انجام دیے ہیں جبکہ اس کی کہانی ردا بلال نے لکھی ہے، ’جانِ جہاں‘ ہر جمعہ اور ہفتے کی رات اے آر وائی ڈیجیٹل پر رات 8 بجے نشر کیا جاتا ہے۔
