شوبز انڈسٹری کی خوبرو اداکارہ عائزہ خان نے بالی ووڈ کنگ شاہ رخ خان کے ساتھ ڈرامہ سائن کرنے کی افواہوں پر دلچسپ ردعمل دے دیا۔
سوشل میڈیا کے مختلف پلیٹ فارمز پر ایک پوسٹ وائرل ہورہی جس میں یہ کہا گیا کہ شاہ رخ خان اور عائزہ خان نے ایک ساتھ نیا ڈرامہ سائن کیا ہے جو بہت جلد نشر کیا جائے گا جب یہ پوسٹ عائزہ کی نظروں سے گزری تو وہ خود بھی دیکھ کر حیران رہ گئیں۔
اداکارہ پوسٹ کو پڑھ کر اس کا جواب دیے بنا نہ رہ سکیں۔
عائزہ خان نے لکھا کہ ’ریلیز کب ہوگا یہ بھی بتادیں۔‘ اس کے بعد سوشل میڈیا صارف نے مسکراتے ہوئے کہا کہ ’آپ کو بھی اس پروجیکٹ کا پتا نہیں ہے۔‘
اداکارہ عائزہ خان کو ڈرامہ انڈسٹری میں 16 سال گزر چکے ہیں، انہوں نے 2009ء میں ڈرامہ سیریل ’تم جو ملے‘ سے اپنے کریئر کا آغاز کیا تھا۔
اداکارہ اے آر وائی ڈیجیٹل کے بلاک بسٹر ڈرامہ سیریل ’میرے پاس تم‘ میں ہمایوں سعید کی اہلیہ کا کردار نبھایا تھا جس میں عدنان صدیقی، حرا مانی ودیگر بھی شامل تھے۔
عائزہ خان نے حال ہی میں حمزہ علی عباسی کے ساتھ ڈرامہ سیریل ’جان جہاں‘ میں ’ماہ نور‘ کا کردار نبھایا تھا جسے مداحوں کی جانب سے بھرپور پذیرائی ملی۔
