بھارتی ویب سیریز ہیرامنڈی کی اداکارہ سنجید شیخ نے پاکستانی اداکارہ عائزہ خان کے خاص لُک کی تعریف کی ہے۔
گزشتہ دنوں پاکستان کی اداکارہ عائزہ خان نے فوٹو اینڈ ویڈیو شیئرنگ ایپ انسٹاگرام پر ایک پوسٹ جاری کی جس میں وہ بھرے ہوئے کام اور خوب گھیر والی زرد پشواس پہنی نظر آئیں۔
View this post on Instagram
اس لُک میں عائزہ خان ماتھے پر ٹیکا، کانوں میں بڑے بندے اور گلے میں چوکر پہنی نظر آئیں اور کامدانی شیفون دوپٹے کو سر پر اوڑھا۔
اس پوسٹ کے ساتھ عائزہ خان نے ہیرامنڈی کا گانا ’ایک بار دیکھ لیجیے‘ لگایا جس میں وہ ببو جان اور ملکہ جان جیسی ادائیں دیتی نظر آرہی ہیں۔
پاکستانی اداکارہ کی اس خوبصورت ویڈیو کو ہیرامنڈی میں حسن کے جلوے بکھیرنے والی اداکارہ سنجیدہ شیخ نے اپنی انسٹاگرام اسٹوری پر شیئر کی جس میں وہ اس گانے پر ادائیں دے رہی ہیں۔
اس اسٹوری پر سنجیدہ شیخ نے عائزہ خان کی تعریف کرتے ہوئے لکھا کہ ’اُف خوبصورت عائزہ‘ اور اس کے ساتھ ہارٹ ایموجیز بھی بنائے۔
سنجیدہ شیخ کی جانب سے عائزہ خان کی کُھل کر تعریف کرنا سوشل میڈیا صارفین کی جانب سے بے حد پسند کیا جارہا ہے۔
