کراچی : مقبول ترین ڈرامے میرے پاس تم ہو ‘ نے اداکارہ عائزہ خان کو شہرت کی بلندیوں پر پہنچا دیا ہے ، عائزہ خان کو پاکستان انٹرنیشل اسکریننگ ایوارڈ 2020 کیلئے بہترین اداکارہ کی کیٹگری میں نامزد کردیا گیا۔
تفصیلات کے مطابق عائزہ خان کا شمار پاکستان کی بہترین اداکاراں میں کیا جاتا ہے اور مقبول ترین ڈرامے ‘میرے پاس تم’ نے ان کی مقبولیت میں بے پناہ اضافہ کردیا ہے۔
عائزہ کو ڈرامے ‘میرے پاس تم’ میں بہترین اداکاری پر پاکستان انٹرنیشل اسکریننگ ایوارڈ 2020 کیلئے بہترین اداکارہ کی کیٹگری میں نامزد کردیا ہے، عائزہ کے علاوہ حنا الطاف، مومل شیخ، سجل علی، صبا قمر، ثناء جاوید ، سارہ خان اور صنم بلوچ کو بھی اس کیٹگری میں نامزد کیا گیا ہے۔
پاکستان انٹرنیشنل اسکریننگ ایوارڈز کی تقریب 7 فروری کو دبئی میں ہوگی۔
پاکستان انٹرنیشل اسکریننگ ایوارڈ کی نامزدگی پر اداکارہ نے سماجی رابطے کی ویب سائٹ انسٹا گرام پوسٹ میں شکریہ ادا کیا۔
خیال رہے مقبول ترین ڈرامہ سیریل اب اپنے اختتام کی جانب گامزن ہے اور ناظرین اپنے پسندیدہ ڈرامے کی آخری قسط دیکھنے کے لیے بے تاب ہیں، ڈرامے کی آخری قسط کو گرینڈ فنالے طور پر پیش کیا جائے گا، آخری قسط کا دورانیہ دو گھنٹے ہوگا، جو 25 جنوری کی شب 8 بجے اے آر وائی ڈیجیٹل پر پیش کی جائے گی۔
واضح رہے کہ ندیم بیگ کی ہدایتکاری میں نشر ہونے والے ڈرامہ سیریل ’میرے پاس تم ہو‘ کی کہانی نامور مصنف خلیل الرحمان قمر نے لکھی ہے جس میں ہمایوں سعید، عائزہ خان، عدنان صدیقی اور حرا مانی مرکزی کردار ادا کر رہے ہیں۔
