The news is by your side.

Advertisement

والد کی جدائی، ایمن خان کے جذباتی پیغام نے مداحوں کو بھی آبدیدہ کردیا

پاکستانی شوبز انڈسٹری کی معروف اداکارائیں ایمن خان اور منال خان کے والد کے انتقال کے بعد بیٹی کے جذباتی پیغام نے اپنے چاہنے والوں کو بھی رنجیدہ کردیا ہے۔

تفصیلات کے مطابق ایمن خان نے سماجی رابطے کی ویب سائٹ انسٹاگرام پر اپنے پیغام میں لکھا کہ والد ہمیشہ ہمارے دلوں میں زندہ رہیں گے، وہ ایک مضبوط انسان تھے، آپ لوگ ان کے لیے دعا کریں۔

ایمن خان نے انسٹاگرام پر تین اسٹوریز شیئر کیں ایک میں انہوں نے اپنے مداحوں کو بتایا کہ میرے والد مبین خان کا انتقال ہوگیا ہے، وہ ایک مضبوط انسان تھے، آپ سب سے اُن کے لیے دعاؤں کی درخواست ہے۔

والد کے انتقال پر ایمن خان کا جذباتی پیغام

اداکارہ نے دوسری اسٹوری میں اپنے والد کے ہمراہ تصویر شیئر کرتے ہوئے لکھا کہ آپ ہمیشہ ہمارے دلوں میں زندہ رہیں گے، ہم آپ سے بہت محبت کرتے ہیں۔ جبکہ تیسری اسٹوری میں فیملی فوٹو تھی۔

اداکارہ ایمن اور منال کے والد انتقال کرگئے

یاد رہے کہ گزشتہ روز اداکاراؤں(منال اور ایمن) کے والد مبین خان کا انتقال ہوا۔ اس حوالے سے خبر ایمن خان کے شوہر اور اداکار منیب بٹ نے سماجی رابطے کی ویب سائٹ فیس بک سے مداحوں کو دی تھی۔ مرحوم کی نمازِ جنازہ آج بعد نمازِ جمعہ ادا کی گئی۔

Aiman and Minal Khan's father passes away, confirms Muneeb Butt

واضح رہے کہ اس سے قبل منال خان نے اپنی انسٹاگرام اسٹوری میں کہا تھا کہ برائے مہربانی میرے والد کے لیے دعا کریں وہ شدید بیمار ہیں، لیکن انہوں نے بیماری کے حوالے سے کچھ نہیں بتایا تھا۔

Comments

یہ بھی پڑھیں