ٹی 20 ورلڈ کپ کے سنسنی خیز مقابلے جاری ہیں ایسے میں اداکار بھی کرکٹ سے لطف اندوز ہورہے ہیں اور پاکستان کی جیت پر ٹویٹس کرکے ان کی صلاحیتوں کو خوب سراہا رہے ہیں۔
شوبز انڈسٹری کی معروف اداکارہ اور سابق کرکٹر سلیم یوسف کی صاحبزادی ایمن سلیم کی بھی کرکٹ کھیلنے کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ ایمن سلیم کسی گلی میں کرکٹ سے لطف اندوز ہورہی ہیں، اداکارہ کو شہزاد شیخ نے گیند کروائی تو انہوں نے زور دار چھکا لگادیا۔
ویڈیو میں دیکھا جاسکتا ہے کہ ’اداکارہ نے شہزاد شیخ سے کہا گیند کروائیں جیسے ہی انہوں نے گیند کروائی تو ایمن نے چھکا لگادیا، اس پر شہزاد شیخ بے اختیار کہہ اٹھے اچھا شاٹ کھیلا ہے۔
اداکارہ کی ویڈیو سوشل میڈیا پر تیزی سے وائرل ہورہی ہے اور مداحوں کی جانب سے اس پر دلچسپ تبصرے بھی کیے جارہے ہیں۔
واضح رہے کہ ایمن سلیم اکثر اپنی تصاویر سوشل میڈیا پلیٹ فارم پر شیئر کرتی رہتی ہیں جسے مداحوں کی جانب سے بھی پسندیدگی کا اظہار کیا جاتا ہے۔
گزشتہ روز بھی اداکارہ نے جمعہ کی دن کی مناسبت سے شلوار قمیص پہنیں تصویر شیئر کی تھیں۔
