تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

آزاد کشمیر: مختلف سیاسی وسماجی شخصیات پی ٹی آئی میں شامل

آزاد کشمیر: الیکشن سے قبل پی ٹی آئی آزاد کشمیر کو کامیابیاں ملنے لگی، وزیراعظم عمران خان کے فلسفے سے متاثر ہوکر پیپلز پارٹی کی سیاسی ،سماجی شخصیات سمیت کئی کارکنان پی ٹی آئی کے قافلے میں شامل ہورہے ہیں۔

تفصیلات کے مطابق آزاد کشمیر الیکشن کی تیاریوں کا جائزہ لینے کے لئے وفاقی وزرا مراد سعید اور علی امین گنڈا پور آزاد پتن پہنچے ،جہاں پیپلز پارٹی کے سابق رہنما جمیل احمد اور عدنان شاہ نے ان سے ملاقات کے بعد پی ٹی آئی کی حمایت کا اعلان کیا۔

بعد ازاں آزاد پتن میں انتخابی جلسے سے خطاب کرتے ہوئے وفاقی وزیر برائے امور کشمیر علی امین گنڈا پور نے مسلم لیگ پر کڑی تنقید کرتے ہوئے کہا کہ ہم نے ن لیگ حکومت کو کشمیر میں 55 ارب روپے کا فنڈ دیا، وفاقی حکومت کی جانب سے دیا گیا فنڈ ن لیگ نے غبن کیا، نواز شریف خود اربوں کھربوں کے غبن میں سزا یافتہ ہے، جس پارٹی کا سربراہ چور ہو اس کے امیدوار کس منہ سے ووٹ مانگتےہیں۔

علی امین گنڈاپور کا کہنا تھا کہ کشمیر کا بچہ بچہ جانتا ہے زرداری نے بہن کو کشمیر کیوں بھیجا تھا، فریال تالپور کشمیری بچوں کا 42 ارب روپے لوٹ کرلے گئیں، پی پی والے کہتے ہیں کہ کشمیر کو ترقی دینگے مگر پہلے سندھ میں30 سالہ حکومت کاحال تودیکھیں، کراچی کو کچرےکا شہر بنادیا تھوڑی سےبارش میں شہر ڈوب جاتاہے۔

فضل الرحمان کو آڑے ہاتھوں لیتے ہوئے علی امین گنڈا پور کا کہنا تھا کہ آج کل مولانا فضل الرحمان لیڈربناپھر رہاہےکہتا ہے تبدیلی لاؤں گا، جو اپنےگھر میں مسترد ہوگیاوہ کونسی تبدیلی لائے گا؟ مولانا فضل الرحمان کو اس کےحلقےمیں ضمانت ضبط کرا کرہراچکا ہوں، مولانا فضل الرحمان نےاسلام کےنام پرٹھیکیداربن کےدھیلےکاکام نہیں کیا۔

علی امین گنڈاپور نے انتخابی جلسہ عام سے خطاب میں بلاول اور مریم کو بھی تنقید کا نشانہ بناتے ہوئے کہا کہ بلاول بھٹو بھی پالش والی سی وی لے کر امریکاچلا گیا، مریم نواز کہتی ہے کشمیر سے رشتہ پرانا ہے، جس نےکشمیروں سےزیادتی کی اسےگھرکی شادیوں ،ڈھولکی پر بلایا گیا،کشمیر کےسب سےبڑے مخالف جندال سےچھپ کر ملاقاتیں کی گئیں، مریم نوازکو مودی اور جندال سے رشتہ مبارک ہو، کشمیریوں سےکہتا ہوں ایسے لوگوں کےکشمیرمیں داخلے بند کریں۔

Comments

- Advertisement -