پشاور: پی ٹی آئی رہنما حلیم عادل شیخ کا کہنا ہے کہ حقیقی آزادی مارچ انقلاب ہے، امپورٹڈ حکومت راستہ نہیں روک سکتی۔
تفصیلات کے مطابق پشاور سے اسلام آباد روانگی سے قبل اپنے ویڈیو پیغام میں رکن سندھ اسمبلی حلیم عادل شیخ کا کہنا تھا کہ کراچی سے پشاور اور لاہور سےچمن تک قوم تیار ہے، یہ امپورٹڈ حکومت ہمارا راستہ نہیں روک سکتی۔
حلیم عادل شیخ نے کہا کہ عوام کے جذبات سری لنکا جیسے لگ رہے ہیں، آج حقیقی آزادی کی تحریک کامیاب ہوکر رہے گی کیونکہ قوم بیدار اورحق اور باطل کی جنگ جان چکی ہے۔
پی ٹی آئی رہنما حقیقی آزادی مارچ انقلاب ہے ، یہ چور رکاوٹوں سے ہمیں نہیں روک سکتے۔
پشاور
قائد حزب اختلاف سندھ حلیم عادل شیخ پشاور سے قافلے کی صورت میں اسلام آباد کے لئے روانا
پوری قوم تیار ہے امپورٹڈ حکومت ہمارے راستے نہیں روک سکتی
حقیقی آزادی مارچ ایک انقلاب ہے یہ چور رکاوٹوں سے نہیں روک سکتے۔ @HaleemAdil#حقیقی_آزادی_مارچ #PakistanUnderFascism pic.twitter.com/sDlwmAuxH1
— HAS Updates (@HASPS99) May 25, 2022
ادھر تحریک انصاف کا آزادی مارچ آج پشاور سے شروع ہوگا، مارچ کو روکنے کے لئے حکومت اوچھے ہتھکنڈوں پر اتر آئی۔
حقیقی آزادی مارچ سے قبل چیئرمین تحریک انصاف عمران خان نے اپنے ویڈیو پیغام میں کہا کہ ہمارا ایک مقصد ہے الیکشن کرائیں اور اسمبلی تحلیل کریں، کل حقیقی آزادی مارچ کی قیادت کرونگا، ہم اگر اب نہیں نکلیں گے تو ہماری آئندہ نسلیں ہمیں معاف نہیں کریں گی، قوم سے اپیل ہے کل ہمیں موقع مل رہا ہے اس کو ضائع نہ ہونے دیں۔
حکومت نے پی ٹی آئی کے حقیقی آزادی مارچ کو روکنے کے لیے پنجاب سے اسلام آباد جانے والے تمام راستے بند کردئیے ہیں، لاہور شہر کے داخلی و خارجی راستوں کو کنٹینر لگا کر بند کردیا گیا ہے، جب کہ خیبر پختون خوا سے بھی رابطہ منقطع ہے۔