پاکستان کرکٹ ٹیم کے سابق کپتان سرفراز احمد اور کرکٹراعظم خان کی دلچسپ ویڈیو وائرل ہوگئی ہے۔
کیریبیئن پریمیئر لیگ کی جانب سے شیئر کی گئی ویڈیو میں سابق کپتان سرفراز احمد اور کرکٹر اعظم خان نے گٹار کے ساتھ گانا گایا جو دیکھتے ہی دیکھتے وائرل ہوگئی۔
ترپن سیکنڈ دورانیے کی ویڈیو میں اعظم خان گٹار پر دھن بجاتے ہیں جب کہ سرفراز احمد کو ایک کلاسیکل گانا گنگناتے ہوئے دکھایا گیا ہے۔
گانے کے بول ‘ایک پیار کا نغمہ ہے، موجوں کی روانی ہے، زندگی اور کچھ بھی نہیں، تیری میری کہانی ہے’ سرفراز احمد کا یہ مخصوص انداز شائقین کو بھاگیا۔
ویڈیو ٹائم لائنز پر وائرل کیا ہوئی، سوشل میڈیا صارفین نے سرفراز سے اپنے پسندیدہ گانوں کا ذکر کرتے ہوئے ان سے وہ بھی سنانے کی فرمائش کی۔
🎵 Azam and Sarfaraz – creating magic in the middle. 😍🎵 pic.twitter.com/RkOlzHvmKv
— Barbados Royals (@BarbadosRoyals) November 4, 2022
دیکھنے والوں نے سرفراز احمد اور اعظم خان کی مہارت کی داد دی تو ایک انڈین فین نے لکھا کہ ’اب آپ انڈین گانے گا رہے ہیں اور چیمپیئنز ٹرافی کے بعد کراچی میں آپ انڈیا کو ٹرول کر رہے تھے۔‘
کرکٹرز کی گلوکاری پر تبصرہ کرنے والوں نے ان کے گانے کے انتخاب کی داد بھی دی۔
روہت نامی صارف نے سرفراز احمد کو ’لوٹ آنے‘ کی دعوت دی تو لکھا کہ ’کوئی تھا جو وکٹ کے پیچھے سے گیم بدل دیا کرتا تھا۔
