آذربائیجان میں حادثے کے شکار ہونے والے مسافر طیارے کے بارے میں اطلاعات سامنے آرہی ہیں کہ طیارے کو مبینہ طور پر میزائل حملے کا نشانہ بنایا گیا۔
بین الاقوامی خبر رساں ادارے کی رپورٹ کے مطابق ذرائع کا اس حوالے سے کہنا ہے کہ روسی یا چیچن فورس نے مبینہ طور پر آذربائیجان کے طیارے کو غلطی سے میزائل حملے کا نشانہ بنایا۔
ذرائع کا کہنا ہے کہ میزائل فضا میں پھٹنے کے باعث اس کے ٹکڑے مسافر طیارے کے پچھلے حصے پر لگے۔
پائلٹ نے طیارے کو گروزنی میں دوبار لینڈ کرنے کی کوشش کی، تیسری بار لینڈنگ کی کوشش کے دوران مسافروں نے دھماکے کی آواز سنی۔
دوسری جانب طیارہ حادثے کی وجوہات جاننے کے لئے تحقیقات کا بھی اعلان کیا گیا ہے۔
واضح رہے کہ آذر بائیجان کا مسافر طیارہ گزشتہ روز قازقستان ایئرپورٹ کے قریب کریش کرگیا تھا، جس میں 39 افراد ہلاک اور 28 زخمی ہوگئے تھے۔
اسرائیل کی نصیرات میں القدس ٹی وی پر بمباری، 5 صحافی شہید
بدقسمت طیارے میں عملے سمیت 67 افراد سفر کررہے تھے، طیارہ باکو سے گروزنی چیچنیا کی طرف رواں دواں تھا، ابتدائی تحقیقات کے مطابق پرندہ ٹکرانے کے بعد طیارے کی ہنگامی لینڈنگ کے دوران حادثہ پیش آگیا۔
