لاہور: قومی ٹیم کے ٹیسٹ کرکٹر اظہر علی نے کہا ہے کہ جب پاکستان ٹیم کو میری ضرورت ہوگی تو ریٹائرمنٹ واپس لینے پر سنجیدگی سے سوچوں گا۔
تفصیلات کے مطابق ٹیسٹ کرکٹر اظہر علی نے لاہور میں میڈیا سے گفتگو کرتے ہوئے کہا کہ کپتانی کے لیے مجھ سے رابطہ نہیں کیا گیا ہے، ٹیسٹ کرکٹ میں ہماری پرفارمنس زیادہ اچھی نہیں ہے، ہمیں ہوم گراؤنڈ کے ساتھ ساتھ باہر بھی سیریز جیتنے کی ضرورت ہے۔
بین اسٹوکس کی تعریف کرتے ہوئے اظہر علی نے کہا کہ انگلش آل راؤنڈر اس وقت کا بہترین کھلاڑی ہے، اس کی ایشیز میں بہترین اننگز کھیلی اور انگلینڈ کو ورلڈ کپ بھی جتوایا۔
اظہر علی نے کہا کہ قومی ٹیم کی ورلڈ کپ میں کارکردگی بری نہیں تھی، رن ریٹ کی وجہ سے ورلڈ کپ سے باہر ہوئے، شروع کے میچز میں اچھی کارکردگی نہیں رہی تھی۔
Azhar Ali media talk at Gaddafi Stadium Lahore.
🎧 https://t.co/T6iepk2JBz pic.twitter.com/w3iQAzsnIM
— Pakistan Cricket (@TheRealPCB) August 29, 2019
ایک سوال کے جواب میں انہوں نے کہا کہ کوچز کے حوالے سے انٹرویو چل رہے ہیں، میرے حوالے سے جو بھی فیصلہ ہوا سوچوں گا، کسی بھی ٹیم کے سینئر پلیئر جاتے ہیں تو فرق پڑتا ہے۔
اظہر علی نے پی سی بی کے نئے ڈومیسٹک فارمیٹ کی تعریف کرتے ہوئے کہا کہ کوالٹی لیول بڑھانے کے لیے پی سی بی نے اچھا اقدام کیا ہے، پری سیزن کیمپ کھلاڑیوں کے لیے اچھا موقع ہے۔
انہوں نے کہا کہ کیمپ سے کھلاڑی خامیاں دور کررہے ہیں، میں ڈومیسٹک میچز کھیلوں گا، کاؤنٹی سیزن کو بہت انجوائے کیا، کیمپ سے تمام کھلاڑیوں کو انٹرنیشنل میچز سے پہلے فٹ ہونے کا موقع ملا ہے۔
